کەرامەتی حەزرەتی شاگیان(قدس اسراره العزیز)

ووتەیەکی مامۆستا مەلا عەبدوڵڵای کاتیب دەربارەی کەرامەتی حەزرەتی شاگیان(قدس الله اسرار شیخنا)(خودا له ماموستاش رازی بیت)

کەرامەتێکی زۆر گرنگ و دروستکردنی بەردی مەڕمەڕ لە ژێر خاکی گردەکەی مەحموود ئاوا

.

کاتێک حەزرەتی پیر سەرقاڵی دروستکردن و نۆژەنکردنەوەی (مەحموودئاوا) بوو، شەوێک لە مەراسیمی خەتمه لە (دوورووی) شەریفه،حەزرەتی پیر تەشریفی هێنا و لە بازنەی زیکردا دانیشت، سەرقاڵی زیکر کردن بووین تا گەیشتینە بەشی تەهلیله. وە حەزرەتی شێخ لەگەڵ ئەهلی خەتم بە دەنگێکی بەرزەوە دەستیان کرد بە ئەنجامدانی تەهلیله، هەر بەڕێکەوت من لە پشت حەزرەتی پیر و لای ڕاستی دانیشتبووم. 

.

خودا دەزانێت بەبێ ئەوەی بخەوم یان بێهۆش بم، بینیم حەزرەتی پیر لە ڕێگەی (نفی) و (اثبات) زیکری (لااله الاالله)ی دەفه رمویت. لە هەمان کاتدا لە شوێنی تایبەتی خۆیدا چەند جارێک لای (لااله الااللە)ی بەرەو سەرەوە دەبات ئەوەندەی تەنها ئەو دەیزانی و ئەوەندەی ویستی خودا بوو،دوای ئەوە (الا الله)ی لە سەرەوە بۆ خوارەوە دەسوڕێنێتەوە و(الله)ی لە ناوەڕاستی کانگای بەردەکە دەدات. خودا دەزانێت وەک شووشەبڕێکی لێهاتوو کە ئەڵماسێکی زۆر باش و بەهێز، لەسەر شووشەکە دەبڕێت و دەنگێکی لێ دێت وە هێڵێک لەسەر شووشەکە ده رز دەکات؛ هەروەها حەزرەتی پیر وشەی (الله)ی بەکارهێناوە لە کانگای بەردەکە، بەردەکان وەک شووشە بەردەوام لەم لا و لەو لا درزیان دەدا و ریک و پیک دەبوون. هەندێکیان دابەش ده بوون و کەلێنێک لە نێوانیاندا پەیدا دەبوون.

ئەمە بەشی یەکەم بوو، بەشی دووەمیش تا ئێستا ماوەتەوە

بەشی دووهەم

 بە ڕێکەوت پارچە بەردێکی گەورە لەو کانگایەدا هەبوو، لایەکی لە زەوی دەرچووبوو و هێشتا لانەبرابوو، درێژی بەردەکە دوو مەتر و پانی یەک مەتر و نیو و ئەستووری نیو مەتر بوو.

.

حەزرەتی پیر بۆ دوایین جار لەم بەردەی دا بەردەکه کەوت و لە چەند شوێنێکدا، بەردەکە لەم لاو ئەو لاوە وەک شووشە درزی لێدا و بینیم بەردەکە لە لایەکی وەستاوە و لایەکی لە ژێر خاکدا ماوەتەوە و دیوەکەی تریش لە دەرەوە ماوەتەوەهەندێک وشەی (الله) لەسەر ئەو لاوە نووسرابوو کە لە دەرەوە بوو و زۆر باش دەخوێندرایەوە

.

من هەرئەودەم بەردەکەم نیشانە کرد بۆ ئەوەی دڵنیا بم کە ئایا( ئەم چه ند الله یه) لەبەر چاوی من دەرکەوتووە یان لە ڕاستیدا وشەی (الله) لەسەر بەردەکە نووسراوە. دوای ئەوەی مەراسیمەکەمان تەواو کرد و گەڕاینەوە حوجرەکەمان، لە مەلا سەید ئەحمەد که هاوڕێم بوو و ئەو کاتە سەرخەتمی خانەقا بوو، پرسیم: ئەمشەو هیچت بینی؟ وتی: ناوالله . بۆچی دەپرسی؟ وتم: ئەمشەو شتێکی وەهام بینیوه ئەو بەردەشم نیشانە کردووە، ان شاءالله سبەی بەیانی پێکەوە دەچینە ئەوێ بزانین وشەی (الله) لەسەری ماوە یان نا.  

.     

 ڕۆژی دواتر دوای نوێژی عەسر لەگەڵ "مەلاسیدئەحمەد" و "مەلامەحمود هەورامی" و "مەلا غەفور" چووینە سەر ئەو بەردە و بینیمان هەشتا (الله) بە ڕوونی و ئاشکرا  لای پانی بەردەکەدا نووسرابوو لە کاتێکدا سەیری بەردەکەمان دەکرد، حەزرەتی پیر هاتە سەردانمان. عەرزیان کرد: قوربان گیان ئەم پارچە بەردە هشتا(الله)ی لەسەر نووسراوه... فەرمووی: نەخێر! ئیوه نازان هەزار وشەی تەواو (اللە)ی لەسەره.

.

 لەو ڕۆژانەدا حەزرەتی پیر بڕیاری سەفەری دابوو. حەزرەتی پیر بە توندی جەختی لەسەر ئەو کەسە کردەوە کە بەردەکانی دەرده هێناو ناوی "سۆفی تەهماسب" بوو و خەڵکی تاڵش بوو. حەزرەتی پیر فەرمووی: "تا لە سەفەرەکەم دەگەڕێمەوە ئاگاداری ئەم بەردە بن و مەیشکێنن، من کارم بەم بەردە هەیه"

.

 چەند جارێک فەرمانەکەی دووبارە کردەوە و فەرمووی: "هەرکەسێک ئەم بەردە بشکێنێت، بەڕاستی لێیی ناڕەحەت و نارازی دەبم. دوای چوار پێنج ڕۆژ حەزرەتی پیر تەشریفیان برد بۆ سەفەرێک

پاشی سەفەر ئەم ریزه خۆری ئاستانی حەزرەتی پیر(من) وە هەندێک کەسی تریش لە خزمەتیاندا، بۆ ماوەی یەک دوو ڕۆژ چووینە کانگاکە، بەداخەوە بینیمان کە بەردەکە بە تەواوی شکاوە و نیشانەکانی وێران بووە، حەزرەتی پیریش زۆر ناڕەحەت بوو. بەڵام ئیتر هەموو شتێک لەدەست چوو بوو.

 .

بێگومان حەزرەتی شێخ بەو شێوەی باسکراوە هەزاران بەردی بڕیبووه وەکو شووشە، بەڵام ئەم بەردە شکێنرابوو و بردبوویان. وە بەهۆی نیشانەی هه زار الله کە مۆری سەر بەردەکە بووبوو، مایه ی بێزاری بوو. و صل الله تعالی علی سیدنا محمد و علی آله و صحبه و سلم