جەنابی حاجی مەلا عارفی ولەژیر ئەفەرمی:

جەنابی حاجی مەلا عارفی ولەژێر ئەفەرمێ:

لە بیارەی شەریفە بووم ، ڕۆژێ لەگەڵ کۆمەڵێکدا لە ماڵی حەزرەتی شێخ عوسمان دانیشتبوین کوڕێکی حەمە أمین بەگ بەپەلە کەچاوی پێویست   بەموعالەجە بو داوای لەحەزرەتی شێخ عوسمان کرد کەشێخی باوکی تەڵەبی دەرمانی چاوی بۆبکات ، شێخیش فەرمووی ئەی خۆت عەرزەت نەکردوە ؟

.  

وتی بەڵێ عەرزم کردوە ، فەرمووی چی؟ ووتی چەن دەرمانێکی پێ فەرمووم کەلەگەڵ هێلکە تێکەڵی بکەم و بەپێی دەستورێ کەحاڵی کردوم بەکاری بهێنم ، شێخیش فەرموی : دەی کەوای فەرموە باشە ومنیش عەرزی بکەم هەروا ئەفەرموێ : کابرا بەوە قەناعەتی نەکرد هەرئەیویست کەشێخ عەرزی بکات شێخ فەرموی باشە عەرزی ئەکەم

.

پاش ماوەیە دانیشتن هەموومان لەخزمەت حەزرەتی شێخ عوسماندا چووێن بۆ خزمەت حەزرەتی شێخ عەلائەددین قدس الله سرە ئەنجا لەپاش زیارەت و هەریەک لە جێی خۆماندا قەرارمان گرت حەزرەتی شێخ عوسمان داوای دەرمانی بۆ شەخسی ناوبراو کرد شێخ فەرموی خۆدەرمانم پێوتوە و دەستورم نیشان داوە

.

 عەرزی کرد قوربان ئەزانم وە منیش پێم وتوە ، بەڵام هەر حەزی ئەکرد کە عەرزت بکەم ، ئیتر حەزرەتی عەلائەددین قدس اللەروحە تێگەیشت کە ئەم شەخسە وائەزانێ بێجگە لەوە پێی وتراوە، شێخ خۆی دەرمانی باشتری هەیە و نایداتێ فەرمووی گوێ بگرن با چیرۆکێکتان بۆ بگێڕمەوە .

.

فەرمووی ڕۆژێ خەبەریان دامێ کەواحاجی موحەممەدبەگی بەیەڵەیان بەسواری هێسترێ هێنالە ئێشی چاوی وەقرەی نیە منیش موراجەعەی دڵیم کرد عەقیدەی دڵی هەر ئەوەندە بوو کەئەمە جێگەیەکە موعالەجەی نەخۆش و چاو بەشداری تێدائەکرێت .

.

منیش ئەوەندە کەلە توانام دابوو تەداوی چاوم بۆکرد و ڕۆیشتەوە ساڵی دوەم لەعەینی کاتدا بەسەر سواری هێسترێکەوە هاتەوە بەهەمان ئێش و ژانەوە دیسان موراجەعەم بەدڵی کردەوە هەر لەسەر ئەو بیروباوەڕی پێشویەبوو ئەنجا کوڕێکمان بوو جەمالی ناوبوو تازە پێی گرتبوو خۆشمان دەویست تەمەنام کرد لە خودا کەچاوی ئەوکوڕە بکەوێتە بری چاوی حاجی موحەممەدئەمین بەگ ، حاجی موحەممەدئەمین بەگ رزگاربو ، وەئەوکوڕە چاوی تووش بوو وە بەو دەردەوە مرد .

.

لەپاشا فەرمووی ڕۆڵە ئێمە بەماڵ و بەئەولادیش لەخزمەت بەئوممەتی پێغەمبەر (ﷺ) درێغیمان نیە ، ئێستە تۆ وائەزانی دەرمان مان هەیە و لێت درێغ ئەکەین بڕۆ ئەو دەرمانانە کەپێم وتویت بەکاریان بهێنە.

ٳنشااللە چاک ئەبیت .

عەلائەددین لە ئەلتافی خوداوە

عەبای عیززەت بەباڵایا بڕاوە

لەپایەی بەرزی هیممەتدا موقیمە

کەریم کوڕی کەریم کوڕی کەریمە

سەرچاوە:

✅باخچەی بۆن خۆشان

لە کەناڵی تێلێگرامی حاجی ماموستا مەلا ئەبوبەکری پزشکیان وەرگیراوە

حەسەنی بەسری

حەسەنی بەسری

کە تابعین بوە و بە سەد و سی صحابەی خۆشەویستمان گەیشتووە صل الله علیه وسلم

یەکێک بووە لە عابید و خواناس و پیاوچاکان

واعزی ئەوکات بووە بۆ خەڵک

کاتێک ئافرەتێک پێی دەلێت ئەی ڕیاباز ئەویش زۆری پێخۆش دەبێت و بە ڕوو خۆشیەوە دەڵێ:

بەڕاستی ئەوە بیست ساڵە دەمەوێ یەکێک بەناوی ڕاستەقینەی خۆم بانگم بکات، 

بەڵام تا ئێستا تۆ نەبێت کەس نەیناسیوم

سەرچاوە:

مەجلیسی ئەولیا

ئازاریک لەژیر گوی چەپم

ئازارێک لەژێر گۆی چەپم 

ساڵی ٢٠٠٢ ئازارێک لەژێر گۆی چەپم دروست بوو, شەوان نەیدەهێڵا بنووم, سەردانی پزیشکی پسپۆڕم کرد دوای کۆمەڵێک پشکنین وتی: تۆ هیچت نییە, پرسیم: ئەی ئەو ئازارەی ژێر گۆی چەپم چییە؟ وتی: گەر پێتخۆشە رەوانەت دەکەم بۆ خەستەخانەی رزگاری پشکنینێکی تر هەیە با بۆت ئەنجام بدەن, رۆیشتم پشکنینێکی وردیان بۆ کردم لە رێگەی کۆمەڵێک ئامێرەوە, ئەوانیش هەمان قسەی پزیشکەکەیان دووبارە کردەوە, لە خۆم دەپرسی: بڵێی, حاڵەتێکی نەفسی بێت و واهیمەم بۆ خۆم دروست کردبێت, بەڵام ئەو گشتە ئازارەی شەوان لە کوێوە دێت, چەندین سەعات لەناو جێگە خەوم لێ حەرام دەکات؟!.

هەر لەو رۆژانەدا بوو سەردانێکی کتێبخانەی رەسەنم کرد, خاوەن کتێبخانەکە کاک محەمەد رافیع کتێبێکی لە بەردەم بوو دەیخوێندەوە, مۆڵەتم لێ خواست و تەماشایەکی بەرگی کتێبەکەم کرد و سەرنجێکی ناوەرۆکەکەیم دا, کتێبەکە کۆکراوەی کەراماتەکانی شێخ (حسام الدین) بوو بە ناوی (سراج الطالبین), داوام لە کاک محەمەد کرد کتێبەکەی لێ بخوازم و بیخوێنمەوە و پاشان بۆی بگێڕمەوە, بەڵام لە بەخشندەیی خۆی وتی: کتێبەکەت هەدیە دەکەم.

کتێبەکەم هێنایەوە و لە دوو تا سێ رۆژدا خوێندمەوە, ناوەرۆکی کتێبەکە لە دەمی کەسە باوەڕ پێکراوەکانەوە کەراماتەکانی شێخ (حسام الدین)ی دەگواستەوە, لێتان ناشارمەوە دوای تەواوبوونی خوێندنەوەی کتێبەکە بڕیاری من ئەمە بوو: (کۆی ئەم قسانە خەڵکانێک لە دوای مردنی شێخەکەیان هەڵیانبەستووە, تاکو شەرعیەت و گەورەیی بدەن بە شێخەکەیان, دەموت: دەکرێت شتێک روویدابێت, بەڵام دواتر هەزار شتیان خستووەتە سەر و چیرۆک و حکایەتیان لەسەر هۆنیوەتەوە).

ئەو بڕیارەم سەپاند بەسەر کتێبەکەدا و هەڵمدایە ناو کتێبخانەکە, شەوێک یان دوو شەو دوای ئەوە چووینە ناو جێگە, خێزان خەوتن و ماڵ خامۆش بوو, من هێشتا لە تاو ئازاری گۆی چەپم خەو ناچێتە چاوم, لەسەر لای راست روو بە دیوارەکە راکشابووم, بیرم لە کەراماتەکانی ناو کتێبەکە دەکردەوە, بەڵام هێشتا بڕیاری خۆم نەگۆڕی بوو, ئازاری گۆی چەپ و بیرکردنەوە لە کەرامات بەیەکتر ئاوێزان بووبوون, من "هەر بەئاگام و خەو نەچووەتە چاوم", لە نەکاو بە هەموو هێزەوە دەستێک کێشای بە ناو شانمدا, ئەوەندە توند لێیدام تەکانم دا بۆ پێشەوە, لەگەڵ پیاکێشانی دەستەکە و تەکانی من شتێکی رەش بە ئەندازەی هەڵماتێک لە گۆی چەپم دەرپەڕی و کێشای بە دیوارەکەدا, لەبەر ئەوەی لێواری فەرشەکە بە تەواوی ناوماڵەکەی دانەپۆشی بوو هەڵماتە رەشەکە بەسەر چیمەنتۆکەدا-بە دەنگێک هەروەک دەنگ و خڕەی هەڵمات- شۆڕبوویەوە تا گەیشتە زاویەکە و لەو جێگە بزر بوو.

لەناو جێگەکە راستبوومەوە سەیری پشتەوەی خۆم کرد هیچ کەس نزیک بە من نەنووستووە, هەر لەو کاتەدا هەستم کرد ئازارم نەماوە, ئەوە بۆ بیست ساڵ دەچێت, بۆ تەنها جارێکیش ئەو ئازارە نەهاتەوە گیانم.

من دڵنیام لەو کارەدا دوو حیکمەت بوونی هەبوو, یەکەم شفای بەندەیەکی لاوازی وەک من, دووەم:  سڕینەوەی ئەو قەناعە چەوتە گوایە کەرامات بوونی نییە و بانگەشەی کەرامات ناڕاستە و خەڵک دروستی کردوون, هەڵبەت لە هەردوو خاڵەکەدا بکەری راستەقینە خودایە و حەرەکە و سکونێک لە گەردووندا بەبێ فاعیلییەتی ئەو(سبحانە وتعالى) ئەنجام نادرێت.

نوسینی . عبدالکریم فتاح

حسین بن منصور الحلاج

حسین بن منصور الحلاج

شێخ و خواناسی گەورە و شەهید(الحسین بن منصور الحلاج - نووقمی دەریای ڕەحمەت بێت - مێژووی لەدایکبوون و ماڵئاوایی ( ٢٣٤- ٣٠٩ هـ / ٨٥٧ - ٩٢٢ م ) بەهۆی لێتێنەگەیشتن و حاڵی نەبوون لەو دۆغەی ئەو تێیکەوتبوو دادگایی کرا و خرایە بەردەم لەسێدارەدان  و لەناوبردن، کەسیش نەبوو بەرگری ڕاساندنی بۆبکات و بڕوبیانووی قووتاکەری بۆبهێنێتەوە، کە ئەو دۆغێکی تایبەتی هەیە و دیگەران پەی بەڕاستی واقیعی پەرستشی ئەو نابەن و دوورن لێی بەدووری ئاسمان و زەووی

  لەکاتێک شێخی گەورە شێخ عەبد القادری گەیلانی) نووقمی دەریای ڕەحمەت بێت - ئەگەرچی بوعدی زەمان لەنێوان زۆرە بینی شێخ مەنسووری حەللاج -نووقمی دەریای ڕەحمەت بێت - کەوتووتە دۆغێکی سەختی ناهەموار وەکو بەرپرسیار لەدەرخستنی ڕاستیەک کەدیگەران لێی بێئاگان ، بینی کەوتووەتە سەرخۆشی و ڕۆچوونی شەیدابوونی یەزدانی باڵا دەست و دەدووێت لەگەڵ جیهانێک ووێڕای جیهانی بەدیهێنراوان، بەخشراوە لەوەی دەیڵێت و دیگەران پێی ئاشنانین، لەبەر ئەوە دەربارەی شێخی لەسێدارەدراو فەرمووی :

 (( طار طائر بعض العارفین من وکر شجرة صورته ، وعلا إلى السماء خارقاً صفوف الملائکة ، فکان بازیاً من بازات الملک ، مخیط العینین بخیط ( وخلق الإنسان ضعیفاً ) ( النساء : من الآیة ٢٨ ) فلم یجد فی السماء ما یحاول من الصید ، فلما لاحت فریسته قال : رأیت ربی . فازداد تحیره فی قول مطلوبه ( فأینما تولوا فثم وجه الله ) ( البقرة : من الآیة ١١٥ ) فعاد هابطاً إلى حطة الأرض ، وطلب ماهو أعز من وجود النار فی قعور البحار ، فنظر بعین عقله فما شاهد سوى الآثار ، فکَّر فلم یجد سوى محبوبه فطرب فقال بلسان سکر قلبه أنا الحق ))

کاتێک شێخی بێ پشت و پەنای بەشەری بەردبارانکرا لەبەر ووتنی ووشەی :  ( أنا الحق)

ئەڵبەت ووتنی ئەم ووشە هۆکارەکەی ئەوەبوو کە ئەو هیچی ووێنا نەدەکرد لەبێجگەی هێزی لەبن نەهاتووی کردگار .

هەموو خاوەنێک لای ئەو پووچەڵ بوو بوونی نەما تەنها زاتی بێچوون نەبێت ،

﴿ یَوْمَ هُم بَارِزُونَ ۖ لَا یَخْفَىٰ عَلَى اللَّهِ مِنْهُمْ شَیْءٌ ۚ لِّمَنِ الْمُلْکُ الْیَوْمَ ۖ لِلَّهِ الْوَاحِدِ الْقَهَّارِ (16)غافر

دڵ و زووبان و هەرچی زەڕاتی ووجوودی هەبوو هەر دووبارە کردنەوەی ئەو ووشە بوو، سەرچاوەی مەعریفەی و چاوی و دڵی و زووبانی چڕبوونەوە لەسەر زاتی(الله الله الله ......

ئیتر بابەتی یەکبوونی(وحدة الوجود) هەڵگیرسا لەناخیدا و گڕی گرت ، ئەو کات زۆر لەوویژدانداران هەستیان بەستەملێکراوی و مەزڵوومەیەتی شێخی یەکتاپەرست و دانا و زانا کرد .

ئەم چەند دێڕە دەگوازمەوە بۆخووێنەر :

وحین أخذوه تحت القوس ببابِ الطّاق، وضع قدمَه على السّلّمِ. قالوا: "ما حالک؟" قال: "معراجُ الرّجال فوق المشنقة." وکان واضعاً میزراً حول خصره وطیلسانَ على کتفیه. ثمّ رفع یدَیه واتجه نحو القِبلة یناجی وطلب ما طلب. ثمّ کان رأسه فی المشنقة.

وقف الشِّبلیُّ فی مجابَهتِه ونادى: "أوَلَم نَنهَکَ عن العالَمین؟" وقال: "ما التصوّفُ یا حلّاجُ؟" قال: "أقلُّه ما تَراه الآن." قال: "وما هو أرقاه؟" قال: "لا طریقَ لک إلیه."

وکلٌّ کان یرمی بحجرٍ، فألقى الشِّبلیُّ -مواکبةً- بزهرةٍ. فتأوّه حسینُ بن منصور.

قالوا: "لمَ لم تتأوّه من کلّ هذا الحجر؟ ما السرّ فی أن تأوّهتَ من زهرةٍ؟"

قال: "ذلک أنهم لا یعلمون فمعذورون. أما هو فعزیزٌ علیّ أنه یعلم ألا ینبغی أن یرمی."

ثمّ بتروا کفّیه، فضحک. قالوا: "علامَ الضحکُ؟"

الحلاج" فی کتاب "تذکرة الأولیاء" للشاعر والصوفی الإیرانی، العطار النیشابوری540-618

عبدالکریم فتاح بەڕوێنی

کانالی نووری ئیسلام

ئیمام زین العابدین ___ علیه السلام

 

  ئیمام زین العابدین ___ علیه السلام

لەگەڵ خەڵکدا ئەوەندە بە بەزەیی بووە کە یەکێک بەخراپە باسی بکردایە .

دەیفەرموو :- ئەی خوای گەورە ئەگەر ئەو کابرایە ڕاست دەکات و من ئەوەندە خراپم لێم خۆش ببە ، ئەگەر درۆش دەکات خوایە لێی خۆش ببیت .

ڕۆژێک ئامۆژگاری بۆ خەڵک دەکرد لە فەرمایشتەکەی دا فەرمووی :- بەڕاستی مردن و نەمانی دۆست و برادەران زۆر مرۆڤ دڵ تەنگ دەکات و خەڵک وەک غەریبانی لێ یەت بەڵام دەبێت مرۆڤ دڵی بەوە خۆش بێت کە ئەو خزم و دۆست و کەس وکارە با گوناهباریش بووبن ئەگەر تۆبەیان کردبێت [ ان شاء اللَّه ] خوای گەورە لێ یان خۆش بووە .

چونکە پێغەمبەر ( ﷺِ ) فەرموویەتی :- خوای گەورە بەندەی گوناه کاری پەشیمانی خۆش دوێت .

خەڵکەکە بەو فەرمایشتە زۆر دڵ خۆش بوون .

لە فەرمایشتەکانی ترا فەرموویەتی :- مرۆڤ لەکاتی توڕە بوون و ڕق هەڵستاندا لە هەموو کاتێک لە تووڕەیی خوا نزیکترە چونکە لەوانەیە بەهۆی ئەو تووڕە بوونەوە توشی گوناه و تاوانێکی گەورە ببێت و خودا تووڕەبونی لێ بگرێت .

جارێکی تر فەرموویەتی :- ئەو کەسەی تا دوێنێ لە ژیادا بووە چەند ڕۆژی تر دەمرێت و بۆگەن دەکات خۆی بەزل دەگرێ و خۆبەزلزانە بە سەر خڵکەوە و شەرم ناکات !

هەروەها فەرمووی :- ئەو کەسەشم زۆر لا سەیرە کە ئەو هەموو دروستکراوە دەبینێت کە خودا درووستی کردووە و خودا نا ناسێت دووبارە فەرمووی :- زۆرم لاسەیرە کەسێک باوەڕی بە دواڕۆژ و زیندووبوونەوە نەبێت و بشزانێت کە خواوەندی گەورە ئەو خەڵکەی لە سەرتاوە لە نە بوونەوە درووست کردووە .

هەروەها فەرموویەتی :- دونیا ( دارُ الفانی ) ه وە قیامەت ( دارُ البقا ) یە کەچی زۆر کەس ئەوەش دەزانێت و هەوڵ بۆ ( دارُ الفنا ) دەدات و ( دارُ البقا ) لەبیری خۆی دەباتەوە .

ڕۆژێک ئامۆژگاری ___ ئیمام محمد باقری___ کوڕی دەکرد .

فەرمووی : ئەی کوڕی خۆشەویستم تکات لێ دەکەم هاوڕێیەتی چوارکەس مەکە

یەکەم ___ هەرگیز هاوڕێیەتی پیاوی دووڕو مەکە چونکە بە پاروە نانێک دەتفڕۆشێت .

دووەم ___ هەرگیز هاوڕێیەتی ئینسانی چروک مەکە چونکە لەو شتە بێ بەشت دەکات کە تۆ زۆر پێویستت پێی بێت .

سێ یەم ___ هەرگیز هاوڕێیەتی پیاوی درۆزن مەکە چونکە نزیکت لێ دوور دەخاتەوە و دوورت لێ نزیک دەکاتەوە و بە هەڵەتدا دەبات .

چوارەم __ هەرگیز هاوڕێیەتی ئەو کەسانە مەکە کە هەرگیز پەیوەندی خزمایەتی بەجێ ناهێنن تەرکی پەیوەندی خزمایەتی دەکەن ، چونکە ئەو جۆرە کەسانە بە سێ ئایەتی قورئان بەر نەعلەتی خوا کەوتوون .

تیشکی زانستی ئیسلام