عیرفان چیه؟

عیرفان: (لە ووشەدا مانای زانینە). گەڕان بۆ رێبازێک کە هەوڵی گەیشتن بە حەقیقەتی مەعریفە لە ڕێگەی مەینەت و ئازار کێشان بۆ مەبەستی دۆزینەوەی سەفای دەروونی  و پاک کردنەوەی ئەخلاق و بیرکردنەوە.

عیرفان، ئەو شێوازەیە کە ڕێڕەوانی ڕێگای خودا بۆ گەیشتن بە خوازراو و ناسینەوەی حەق هەەڵدەبژێرن.

ئیمامی نەوەوی رحمه الله

ئیمامی نەوەوی ڕەحمەتی خوای لێ بێت دەفەرموێت:

بزانە فەزیلەتی زیکر تەنها لە تەسبیح و تەهلیل و تەحمید و تەکبیر و هاوشێوەکانیدا سنوردار نییە، بەڵکو هەر کەسێک بە هەر جۆرە عیبادەتێک گوێڕایەڵی خودای خۆی بکات، لە نێو ئەو کەسانەدایە کە یادی خودا دەکەن

" الأذکار للنووی " ( رحمه الله )

اللهم صل علی سینا محمد و علی آل سیدنا محمد عدد ما فی علم الله صلاه دائمه بدوام ملک الله

حەزرەتی عەلی کرم الله وجهه و رضی الله عنه

حەزرەتی عەلی کرم الله وجهه و رضی الله عنه    

دەفەرموێت :

من بۆ ئێوە له دوو شت نیگەرانم

·        شوێن کەوتنی هەواو هەوەس

·        ئاواتی درێژخایەن.

چونکە پەیڕەوکردنی هەواو هەوەس مرۆڤ لە شوێنکەوتنی ڕاستییەکان دەستبەردار دەکات

وە ئاواتی درێژخایەن رۆژی قیامەت لەبیر مرۆڤ دەباتەوه

سەرچاوە:ادب الدنیا و الدین

اللهم صلی علی سیدنا محمد و علی آله و صحبه و سلم

حضرت عمرو بن مرة الجُهنی

حضرت عمرو بن مرة الجُهنی رَضِیَ اللّهُ عَنْهُ دەفەرموێت: پیاوێک هاتە لای پێغەمبەری خودا صلى الله علیه وسلم و فەرمووی؛ ئەگەر: شایەدی ئەوە بدەم کە جگە لە خودا هیچ خودایەک نیە. و تۆ [محمد صلى الله علیه وسلم] پێغەمبەری خودای ﷺ. نویژەکانم بکەم زەکات بدەم، مانگی ڕەمەزان بەڕۆژوو بم و شەونویژ بکەم من سەر بە چ گروپێکم؟ پێغەمبەری خودا صلى الله علیه وسلم فەرموویەتی: ئەوەی بەم کردەوانه بمرێت له ڕۆژی قیامەتدا لەگەڵ پێغەمبەران و مرۆڤە ڕاستودروستەکان و شەهیدان دەبێت، بەم شێوەیە دوو پەنجەی ڕاستکردەوە (تا کاتیک که سەرپێچی لە دایک و باوکی نەکردبیت.)

رواه ابن حبان و ابن خزیمه و شعب الایمان امام ابوبکر بیهقی

بێڕێزیکردن بە دایک و باوک

لە حەزرەتی ئەبوبەکرەوە خودا لێی ڕازی بێت هاتووە پێغەمبەری خودا ﷺ فەرموویەتی: ئایا لەگەورەترین تاوانەکان ئاگادارتان نەکەمەوە؟ وتمان بەڵێ ئەی پێغەمبەری خودا ﷺ، فەرمووی: شەریک کردن لەگەڵ خودا و "سەرپێچی و خراپە بەرامبەر بە دایک و باوک"... ئینجا ئەویش کە پالیدابووه، دانیشت و فەرمووی: "ئاگادار بن، و قسەی درۆ و شایەتحاڵی درۆ، ئینجا بەردەوام ئەم ڕستەیەی دووبارە دەکردەوە تا گوتمان خۆزگە زیاتر نەفەرمووێت.   

متّفق علیه