ئامۆژگاری شێخ سەعیدی نوورسی بۆ گەنجان :

بزانن بەهاری ژیان تێدەپەڕێت ، ئەگەر ڕۆحت لەگەڵ سنووری شەریعەتدا نەگونجێنی، گەنجیت تێدەپەڕێت لە کاتێکدا تووشی هەموو جۆرە ناڕەحەتی و کێشەیەک دەبیت لە دونیا و لە گۆڕ و لە قیامەتدا ، وە بەهۆی بیرهێنانەوەی ڕابردوو و ترس و وەهمەکانی داهاتوو، خۆشی ژیانی ئێستاشت لێ تال دەبێت و هەردوو جیهانیشت دەدۆڕێنی

بەڵام ئەگەر داوێن پاک و بێگەردبیت و گوێڕایەڵی پەروەردگار بیت و ئەو نیعمەتەی گەنجی کە پێت دراوە لە گوێڕایەڵی شەریعەتدا خەرجی بکەیت، ئەوە دەبێتە ئامرازی ڕزگاربوونت و گەنجی هەمیشەیی و لەناونەچوو لە بەهەشتی ئەبەدیدا بەدەست دەهێنیت    

ئەگەر ژیان خاڵی له ئیمان بوو یان بەهۆی زۆری گوناح و تاوانەوە هیچ کاریگەرییەکی نەبێت، ئەم ژیانە و مەتاع  و چێژەکانی کورت و کاتین و سەد هێندە زیاتر ئازار و ناڕەحەتی و خەم و پەژارە دەهێنن، بزانن چێژی نایاسایی وەک هەنگوینی ژەهراوی وایە

الکلمات ص ۱۶۲

مترجم: عبدالرئوف اشنویی محمودزاده