ش | ی | د | س | چ | پ | ج |
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 |
حەزرەتی مەولانا خالیدی نەقشبەندی
دەگیرنەوە کە کاتیک حەزرەتی مەولانا خالیدی نەقشبەندی شاره زوری، قدس الله سره الشریف، لە ناوچەی خورمال وانەیان دەوتەوە، پیاوێک لە هیندستانەوە هاتە ئەو ناوچەیە و بە سەختی نەخۆش کەوت. حەزرەتی مەولانا دەیباتە ماڵی خۆی و ئاگاداری بووە.
کاتێک پیاوی هیندی زانی کە چیتر ناتوانێت بژیت و کاتی مردنی هاتووە، مادەیەکی لە شووشەکەی دەرهێنا و دایە مەولانا خالید و وتی ئەوه ئیکسیرە، هەرکات پێویستت بە پارە بوو، بە قەبارەی دەنکە گەنمێک بڕێژە ناو کوپێک ئاو، هەمووی بۆت دەکاتە زێڕ، دوای ئەوەش پیاوە هیندییەکە خۆی تەسلیمی دەستی ئەجەل کرد و مرد. ئەم بابەتە زۆر مێشکی مەولانای سەرقاڵ کرد و ترسی ئەوەی هەبوو بەهۆی ئەم ئەکسێرەوە لە دونیا و دونیاداریدا سەرقاڵ بیت.
بۆیە چووە نزیک ڕووباری "زەلم" و ئەو مادەیەی فڕیدایە ناو ڕووبارەکەوە، وە دەستبەرداری ئەو گەنجینە گەورەیەی دونیا بوو بۆ ئەوەی نەکەوێتە ناو فیتنەی دونیا و لە ڕیگای ڕاست لابدات.
سەرچاوە:
کتیبی یادی مردان "علامه مامۆستا مەلا عەبدولکەریم موده ررێس"
باخچەی بۆن خۆشان
حەزرەتی مەولانا خالید نقشبندی قدس الله روحە ئەفەرمێ :
کاتێ لە سەفەری هیندستان هاتمەوە ڕێگەم کەوتە دێیەک ، خەڵکی ئەو دێیە پێیان ووتم لـەم دێیەدا (زاتێکی زۆر عەزیز هەیە)ماوەی ۱۴ساڵە هیچی نەخواردوە و نەخەوتووە ، وە ڕوو بە قیبلە لە حوجرەکەی خۆی دانیشتوە لەگەڵ هیچ کەس قسە ناکات ، بـەڵکو دەوروبەری ئەو جێگەی نزیکی ئەوە وێرانە لە سام و هەیبەتی ئەو زاتە کـەس ناتوانی بەو گەڕەکەدا تێپەڕێ .
حەزرەتی مەولانا خالید فەرمووی من زۆر بە ئارەزوەوە بۆ چاو پێکەوتنی دیداری ئەو نیەتی زیارەتم کرد ئەوانە کە لەوێ ئامادەبوون نەیان هێشت ووتیان مەڕۆ ئەمریت گوێم پێ نەدان و بەرەو مەنزڵەکەی کەوتمە ڕێ لە هەوەڵەوە هەیبەتێ لێی ڕوودام قاچم بە یەکا پێچرا وە ئەندامم سست بوو.
داوای کۆمەکی و ئیستیمداد و بە هانا چونم لە هیممەتی گەورە گەورانی تەریقەی نەقشبەندی کرد وە خۆمم گەیاندە قاپی حوجرە کەی لەوێدا دوو ئەوەندە ترس دەهشەتم بۆ پەیا بوو، دوبارە پەنام بە ڕۆحانیەتی زنجیرە و سیلسیلەی مەشایەخان بردەوە داخڵی حوجرە کەی بووم ، بەڕاستی بەدەستی ئەو زاتە لە ناو جلە کانیا کە کۆن بوو هەروەک چرایە کی زۆر ڕووناک ئەدرەوشایەوە.
بە ئەدەبەوە ووتم السلام علیک لە جێی خۆی هەستا و فەرمووی و علیک السلام و رحمە الله تعالی وە دانیشتەوە ئیتر هیچی نەووت، لە پاش ماوەیە چاوەڕوانی عەرزم کرد ئەمانەتێکیان داوە بە دەستمەوە که بڕۆم بیگەیێنم بەوانەی کە داوا کاری ڕێگەی خوا ناسینن لوتف و تەوەجوهە بفەرموو شایەد لە بەرەکەت و فەڕ و ئەنفاسی شەریفی تۆوە ئەم ئەمانەتییە بە ئەهلی خۆی بگەیەنم لە وەڵاما فەرمووی: مەولانا خالید بۆ بەغدا بڕۆ ماوەیە تر بە پێوە وەستام ، زۆر موتەحەییر و عەجایب و سەرسام مان چۆن بەسەلامەتی گەڕامەوە.
وە ئەم ڕووداوە نیشانەی ئەوەیە ئەو ماوە هیچی نەخواردوە کەس نەیتوانیوە هاتوچۆی بکات