ئیمامی غەزالی دەفەرموویت

ئیمامی غەزالی دەفەرموێت:

لەناو خەڵک‌دا، بەشێک له پسپۆڕانی زانستی کەلام لەباری زێدەڕۆییەوە، گۆی گرێویان له هەموو خەڵکی دیکه بردووەتەوە، ئەوان هەڕەمەی نەخوێندەواری مسوڵمانان به کافر دەزانن و پێیان وایه هەر کەسێکی زانستی کەلام له ئاستی ئەوان‌دا نەزانێ و بڕواکانی شەریعەت به بەڵگەکانی ئەوان فام نەکا، کافره.

ئەوانه لەپێشدا بازنەی ڕەحمەتی بەربڵاوی خودایان دەرحەق به بەندەکانی خۆی زۆر تەنگ کردووەتەوە و دوایێش بەهەشتیان بۆ تاقمێکی چکۆڵه که خۆیانن تەرخان کردووه.

ئەوانه ئاگاداری یەکێک له ڕاستییەکانی سوننەت نین که گەیوەتە ئاستی چەندپات بوونەوە. ئەویش ئەمەیه که له چاخی پێغەمبەر ـ دروودی خوای لێ بێت ـ و هاواڵەکانی‌دا ـ خودایان لێ ڕازی بێ ـ حوکم به مسوڵمان بوونی ئەو خێڵه سەرەتایی و نەخوێندەوارانەش دەدرا که یان ئەوەتا خەریکی زانستی بەڵگاندن نەدەبوون، یان ئەگەر خەریکیش بووبان هیچی لێ تێ‌نەدەگەیشتن.

مترجم: عبدالرئوف اشنویی محمودزاده

https://b2n.ir/m26036