دلوپیکی تر لە دەریای کەرامەته-کانی حەزرەتی شێخ محمد عثمان سراج الدین ثانی"قدس سره"

#نووسه ر: محمد پارسا بە زمانی فارسی

#وەرگێڕ: عبدالرئوف اشنویی محمودزاده

 .

من(1)بەڕەچەڵەک خەڵکی گوندی "وله ژیر"م (٢) ، وله ژیر گوندی بەناوبانگی حاجی مامۆستا عارف (٣)؛ یەکێکە لەمه نسوبه ​​دڵسۆزەکانی حەزرەتی شێخ عوسمان سیراجەدین سانی (٤) "اعلی الله مقامه الشریف" من هێشتا هاوسەرگیریم نەکردبوو، بەڵام لەبەر ئەوەی ئەهڵی مزگەوت و جەماعەت بووم، پەیوەندییەکی باشم لەگەڵ حاجی مامۆستا عارف هەبوو کە ئیمامی گوند و ئیمامی مزگەوتەکەمان بوو.

 بەڕێکەوت حەزم لە یەکێک لە کچەکانی گوندەکەمان بوو کە بە حەیا و بێگەردی به ناوبانگ بوو و ویستم هاوسەرگیری لەگەڵ بکەم. بەڵام ده ترسام هەنگاو بنێمە پێشەوە و وەڵامی ڕەتکراوە ببیستم. یان لەبەر هەندێک هۆکار ئەم هاوسەرگیرییە گونجاو نەبی هەر لەبەر ئەم هۆکارەش ​​بێ ئەدەبیم کردوو لەلای حاجی مامۆستا عارف باسم کرد.

داوام لێکرد کە ئەمجارەیان کە شەرەفیاب بون بۆ خزمەتی حەزرەتی پیر لە دۆرووه ی شەریفە (٥) لەگەڵ حەزرەتی شێخ ڕاوێژکاری بکات. حاجی ماموستاش ئەو زەحمەتە ی قبوڵ کرد و کاتی که چووبو زیاره تی حه زره تی شیخ، ئه م کاره منیشی عه رز کربوو .

من له و په ری ئینساف-و ئیمانه وه و زور به راشکاوی، ئەم فه رمایشته ی له زمانی حاجی ماموستا عارفم بیست و ئەویش له زمانی موبارکی حەزرەتی شێخ گویێ لێ بووبوو، دووبارەی دەکەمەوە:

.

حەزرەتی شێخ فه رموبووی کە ئەم پەیوەندییە لەلایەن خوداوە موقەددەر بووە قسمه تیشه، بەڵام خودا کوڕێکیان پێدەبەخشێت کە بەداخەوە ناڕەحەتییەکی زۆر بۆ دایک و باوکی دروست دەکات.

ئەو کاتە من تەنیا گرنگیم بە بەشی یەکەمی فەرمانی حەزرەتی شێخ دابوو، وە لە خۆشیان دەرفەتێکم بۆ نەڕەخسا بیر لە بەشی دووەمی فەرمانەکەی بکەمەوە، وە بۆ من گرنگ نەبوو، تەنها گرنگ ئه وه بوو ئەم پەیوەندییە سه ر بگرێت، بەڵام رێک فەرمانی حەزرەتی شێخ به دی هات.

 .

هەرچییەک بڵێم وەک تفی سه-راوژوور هه-ر-بو خوم دێتەوە، بۆیە خۆم لە چوونە ناو وردەکاری زیاتر دەپارێزم. بەڵام با تەنها ئەوە بڵێم کە هەندێک جار مرۆڤ هەموو شتێک دەکات کە لە توانایدا بێت بۆ پەروەردەکردنی منداڵەکانی بەڵام ئەنجامەکەی ئەوە نییە کە تۆ دەتەوێت. هەرگیز که رامه تی حەزرەتی شێخم لەبیر ناچی، ئەوەی فه رموو بوی رێک به دی هات. ئێستا ئەم کوڕەم به ته واوی بیزاری کردوم له ژیان، نازانم چی بکەم!

ئێستا بەداخەوە لە ناو ئێمەدا کەسی نییە وەک حەزرەتی شێخ ببێتە چرای ریگای ونیا و دینمان.

نووسه ر : محمدپارسا

ئامادەکردن و ڕێکخستنی به زمانی فارسی: بەڕێوەبردنی کەناڵی خۆشەویستانی         حه زره تی شا عوسمان(قدس سره)

(１)            بۆ ئەوەی کەرامەتی مرۆڤ بپارێزرێت ناوی نەنووسراوە.

(２)            گوندێکی نزیک شاری مەریوان لە کوردستانی ئێران

(３)            مامۆستا مەلا عارف عەلامی؛ لە مەنسووبانی دڵسۆزی حەزرەتی شێخ بوو؛ لەدایکبووی ١٢٨٨ی کۆچی کوردستانی ئێران / کۆچی دوایی ١٣٦٩ی کۆچی له(وله ژیر) کوردستانی ئێران

(４)            شێخ محەممەد عوسمان سیراج الدینی سانی نەقشبەندی؛یەکێک لە رەهبه ره کانی    تەریقه تی نەقشبەندی؛ لەدایکبووی ١٢٧٤ی زایینی سەفیائاباد جەوانرود ئێران / کۆچی دوایی ١٣٧٥ی زایینی ئەستەنبوڵ تورکیا

(５)            گوندێکی بچووکی شاری سەروەئابادی سەر بە پارێزگای کوردستانی ئێران، کە لە دوو گوندی بچووک پێکهاتووە، سەرەوەی بە ناوی خومالی"ده گا" و خوارەوەی بە ناوی "خانەقا" کە بە کۆی گشتی بە "دوورود" ناسراوە .

کەرامەت

کۆچکردوو: "حاجی مەلا مەجید کانی ساردی" لە خانەقای بیاره بو منی گێرایه-وه فەرمووی: ساڵێک بە فڕۆکە چوومە حەج، دوای سواربوونی فڕۆکە و دەرچوون لە فڕۆکەخانە

بۆ ماوەیەک لە ئاسمان فڕین، پاشان فڕۆکەوان لە ڕێگەی بڵندگۆکەوە(وتاردەره وه) ڕایگەیاند، ئەی ئەو کەسانەی بۆ ڕەزامەندی خودا دەچنە حەج، فڕۆکەکە کێشەیەکی تەکنیکی هەیە وە لە دۆخێکی زۆر مەترسیدارداین

لە هەموو حاجیەکان داواکارم ، بە هەر شێوەیەک که دەزانن لە خودای گەورە بپارینه وە بەلکوو خودا ڕزگارمان بفەرمیت. بە ڕاگەیاندنی ئەم هەواڵە خەڵکەکه زور ترسان و گریان و تووشی دڵەڕاوکێ بوون

وە زور ڕوون بوو کە فڕۆکەکە تووشی کێشە بووبوو، وە لەو کاتەدا، حاڵەتێکی هاوشێوەی (جه-ذبه) رووی تیکردم و منیش خه ریکی موراقه-به بووم، و ئیستیمدادم کرد له مه شایخی بیاره اعلی الله مقامه الشریف و وتم یا علاءالدینی کوری عمر و یا عثمانی کوری علاءالدین(قدس الله اسرارهم العزیز) کەواتە یارمەتیتان بۆ چ کاتیکه؟

دوخێکی له-م موسیبه-ته گه-وره-ترمان نیه، پاشان حاجی مەلا مەجید فەرووی: خودا خوی ئاگادارە هەر کە داوای یارمەتیم لێیان کرد، بینیم شێخ عەلائەدین و شێخ عوسمان(اعلی الله مقامهما الشریف) هەریەکەیان سواری ئەسپی(x)بووبوون، هەروەک بروسکە، لە ئاسمانەوە دەرکەوتن، هەریەکەیان یەکێک لە باڵەکانی فڕۆکەکەیان گرت و پێیان فەر مووم بە فڕۆکەوانەکە بڵێ بێ ترس و بە ئاسانی فڕۆکەکە بەڕێوە ببات. ان شاءاللە فڕۆکەکە بە سەلامەتی دەگاتە شوێنی دیاریکراو.

هەروەها منیش ئەم مژدە خۆشەم بە خەڵک و فڕۆکەوانەکە دا. خودای گەورەخوی ئاگادارە فڕۆکەکە زۆر بە ئاسانی فڕیوە تا گەیشتە فڕۆکەخانەی (جەددە) سبحان الله عدد خلقه و رضا نفسه و زنه عرشه و مداد کلماته.

وە هیچ گومانێک بۆ فڕۆکەوانەکە نەما کە ئەوە تەنها لوتفی خودا و پیاوانی خودا بووه. ئەگینا ئێمە لە مەترسییەکی وادا بووین کە شانسی رزگاربوونی کەس نەبوو.