بیاره شریفه
آرشیو نوشته های منبیاره شریفه
آرشیو نوشته های من
ژنیکی وەفادار
ژنێکی وەفادار
یەکێک لە وەزیرە دەوڵەمەندەکانی مامون کەسێک بوو بە ناوی ئەسمەعی، دەڵێت ڕۆژێک چوومە ڕاوکردن و لە بیابانیکی بێ ئاو و بێ چیمەن ون بووم. لەڕادەبەدەر تینوو بووم و بە دوای دەربازبوون لە مردن دەگەڕام، که لە ناوەڕاستی بیابان چادرێکم بینی، چوومە ئەو چادره و لەوێ ژنێکی گەنج و جوانم بینی. سڵاوم لێکرد و داوای ئاوم لێکرد. ڕەنگ لە دەموچاویەوە نەما و وتی:
ژنەکە وتی: لە چادرەکەدا ئاو هەیە، بەڵام من مۆڵەتم لە مێردەکەم نییە بیدەم بە تۆ، بەڵام بۆ نانی نیوەڕۆکەم هەندێک شیرم هەیە، کە دەیدەم بە تۆ. شیرەکەی پێدام و منیش خواردمەوە و خەریکی پشوو دان بووم.
زۆری نەخایاند بینیم کەسێک له دوورەوە بەرەو چادرەکە هات، ژنەکە کە سەرنجی دا، هەستا و دەفرە ئاوەکەی برد و لە دەرەوەی چادرەکە وەستا و چاوەڕێی دەکرد.
.
لەم ساتەدا بینیم پیاوێکی پیری ڕەشپێست و شەل کە هاوسەری ئەم ژنە بوو نزیک بووەوە و لە وشترەکە دابەزی. ژنەکە بە پەلە ڕایکرد و سڵاوی لە مێردەکەی کرد و پێیەکانی شۆرد، بەڵام هەرچەند ژنەکە خۆشەویستی و ڕێزی بۆ نیشان دەدا، پیاوەکە بە توڕەیی و توند و خراپ قەرەبووی دەکردەوە و هەموو ماندوێتی خۆی دەدا بەو ژنە و هەرکات ژنەکە بە نەرمی قسەی لەگەڵ دەکرد، بە توندوتیژی وەڵامی دەدایەوە!
بەرگەی ئەم دۆخە سەیرەم نەگرت و ئامادە بووم لە سێبەری ژێر چادرەکە هەستم و لە ژێر خۆری سووتینەر دابم بەڵام ئەم دیمەنە نەبینم. کاتی که لە چادرەکە دەرچووم، پیاوەکە گرنگی پێ نەدام ، بەڵام ژنەکە ڕایکرد و ڕێزی لێگرتم. کە ئەم ڕێز و حورمەتەم لەلای ئەو ژنە گەنجە بینی، گوتم: حەیف نییە گەنجی و جوانی خۆتت بەخشیوه بەم پیاوە خراپ و بەد ڕەوشتە؟ نە گەنجە و نە جوانە، نە پارەی هەیە و نە ئەخلاقی باشی هەیە! بۆ ئەوەندە لەبەردەم کەسێکی وادا خوت زەلیل دەکەیت بۆچی ئەوەندە خۆت کەم دەکەیتەوە و ڕێز بۆ کەسێکی وا دەگریت ؟
.
ژنە گەنجەکە کە ئەمەی بیست، زۆر دڵتەنگ بوو و وتی: بەداخەوە بۆ تۆ، کە هەرچەندە تۆ وەزیری وڵاتێکی ئیسلامییت، دەتەوێت بەم قسە پووچانە خۆشەویستی میردەکەم لە دڵم بدزیت! و به بیرنەکردنەوە و بێڕێزی قسە دەکەیت
.
ئەسمەعی دەفەرموێت: سەرم سوڕما بەم قسە توندانە، وە ڕووبەڕووی ئامۆژگارییەکانی بوومەوە کاتێک وتی: ڕیوایەتێکم لە پێغەمبەر (د.خ) بیستووە کە دەمەوێت پەیڕەوی لێبکەم بۆ ئەوەی بە ئیمانێکی تەواوەوە بمرم. بیستوومە پێغەمبەر(د.خ)دەفەرموێت نیوەی ئیمان سوپاسگوزارییە و نیوەکەی تریش سەبورییە.
پاشان وتی: دنیا باش بێت یان خراپ، تاڵ بێت یان شیرین، گرنگ ئەوەیە مرۆڤ بە ئیمانەوە بمرێت
دونیا پردی قیامەت و ماڵی ئەبەدییە.
سەرچاوە:
التذکرة امام قُرطُبی مالکی و شرح محمد بن عبدالباقی الزرقانی على الموطأ امام مالک
https://b2n.ir/n32967
قسەی زانایان
قسەی زانایان
ئەو سەختیانەی کە دەتگەڕێننەوە بۆ لای خوا باشترن بۆتۆ لەو نیعمەتانەی کە لە زیکر و یادی خوا دوورت دەخەنەوە.
کابرایەک هاتە لای خالد بن وەلید و وتی: فڵان کەس شتێکی خراپی لەسەر تۆ وت.
وتی: کتێبی کردەوەکانی خۆیەتی بە هەر شێوەیەک بیەوێت پڕی دەکاتەوە
کابرایەک بە (وهب بن منبه)ی وت: فڵان کەس بوختان و خراپەی تۆی کردووه
(وهب) وتی: شەیتان جگە لە تۆ کەسی تری نەدۆزیەوە کە پەیامەکەی به من بگەیەنێت؟
کابرایەک چووە لای ئیمامی شافیعی رحمه الله تعالی و وتی: کەسێک قسەی ناشیرینی لەسەر کردیت.
لە وەڵامدا وتی: ئەگەر ڕاستیت وتبێت سیخوڕی، ئەگەر درۆشت وتبێت،
ئەوا تۆ گەندەڵ و گوناهباری کابرا پەشیمان بووەوە و شەرمەزار بوو.
وەرگێڕ: عبدالرئوف اشنویی محمودزاده
حافزی کوری رەجەب رَحِمهُ اللّٰهُ تَعَالَى دەفەرمویت:
اللهم صل علی سیدنا محمد و علی آله وصحبه وسلم بعدد نعمک یا الله
حافزی کوری ڕەجەب رَحِمهُ اللّٰهُ تَعَالَى دەفەرموێت:
ڕۆژەکانی ژیان سندوقی خەڵکن، هەر کەسێک بە پێی پشکی خۆی پڕی دەکات لە چاکە یان خراپە، وە پێشتر دەنێرێت بۆ ئاخیرەتی خۆی ، لە قیامەتدا سندوقی هەموو کەس لەبەردەمی خۆیدا دەکرێتەوە
خواپەرستەکان لە سندوقەکەیاندا شەرەف و کەرامەت دەدۆزنەوە، وە هیچ شتێک جگە لە پەشیمانی لە سندوقی گوناهباراندا نادۆزرێتەوە.
سەرچاوە:
لطَائِفُ المَعَارِف الامام ابن رجب البغدادی الدمشقی
وەرگێڕ: عبدالرئوف اشنویی محمودزاده
سوفی راستەقینە کییه؟
سۆفی ڕاستەقینە کێیه؟
سۆفی ڕاستەقینە ئەو کەسەیە کە ئەگەر کەسانی تر
ڕەخنەی لێ بگرن،
هەڵەی لێ بدۆزنەوە،
بە خراپه ناوی ببەن،
تەنانەت بوختانیشی پێ بکەن،
دەمی دادەخات و یەک قسەی ناشیرین بەکەس ناڵێت.
سۆفی عەیب نابینێت، بەلکو عەیب دادەپۆشێت...
شەمسی تەبریزی ڕەحمەتی خودای لێ بێت.
وەرگێڕ: عبدالرئوف اشنویی محمودزاده
حەزرەتی شیخ ئەبولحەسەنی خەرقانی دەفەرمویت:
اللهم صل علی سیدنا محمد و علی آله و صحبه و سلم بعدد نعمک یا الله
حەزرەتی شێخ ئەبولحەسەنی خەرقانی دەفەرموێت:
ئەگەر بمانەوێت دوو تاعونی ئیمان ناوبەرین ، یەکێکیان لووتبەرزییە و ئەوی تریان دووڕووییە. ئەم دوو خراپە گەورەیە , کە هەمیشە لە عیرفانی ڕاستەقینەدا ڕەتکراونەتەوە
.
خەڵک ستایشت دەکەن بۆ ئەو شتە باشانەی کە پێیان وایە لە تۆداهەیە، بەڵام تۆ خۆت تاوانبار بکە بۆ ئەو شتە خراپانەی کە باوەڕت وایە لە تۆدا هەیە.
سەرچاوە:
الحکم العطائیة ابن عطاء الله السکندری
.
حضرت عمر بن خطاب رضی اللہ عنه:
پاڕانەوە، لە نێوان زەوی و ئاسماندا دەوستێت و تۆزێک بەرزتر نابێتەوە تا صلوات لەسەر پێغەمبەری خوا صل الله علیه وسلم دەنێردرێت.
کاتێک صلوات دەنێرین، ئەوا دوعاکانمان قبوڵ دەکرێن﴾
#صحیح_الترغیب۱۶۷۶