بیاره شریفه
آرشیو نوشته های منبیاره شریفه
آرشیو نوشته های من
ئایا نویژنەکەر کافرە؟ (1)
جارێ بابزانین ئەو وشانەی کە بە کوفر هاتووە مانای کوفر دەدەن؟
.
۱ـ عن أبی هریرة قال: قال رسول الله ﷺ: (اثنتان فی الناس هما بهم کفر: الطعن فی النسب، والنیاحة على المیت) رواه مسلم
لە ئەبو هوڕەیڕەوە ڕەزای خوای لێ بێ گێڕدڕاوەتەوە کەوا پێغەمبەری خواﷺ ئەفەرمووێ: دوو شت هەیە لە نێو خەڵکیدا کە هاوشانی کوفرە ئەویش تانەدان لە ڕەچەڵەک و نەسەبی یەکتر، ئەوەکەی تریش شین و ڕۆڕۆ کردنە لەسەر مردوو.
.
ئەو کوفرەی ئێرە بە مانای ئەوە دێ: ئەو دوو سیفەتە سیفەتی کافرە نەزانەکانی سەردەمی جاهیلیە، عادەتێکی وانە، ئەگینا بەو مانایە نایێ کەوا کەسەکە بباتە دەرەوە لە ناو بازنەی ئیسلامەتی، بە مانای دووەمیش کوفری بچووک دێ نەک کوفری گەورە خاوەنەکەی لەدین دەرناچێ نێ و کافری بکات، چونکە کابرا مەعقوڵ نیە بە شێن و ڕۆڕۆیەک و بە تانەدانێک لەدین بچێتە دەرەوە، هاوەڵەکان گەورەترین کوشتار لەنێوانیا ڕوویدا کەچی کافر نەکران، ئەی باشە گوناهی کوشتن گەورە ترە یان شین و ڕۆڕۆو تانەدان؟
.
۲ـ - قالَ لی رَسولُ اللَّهِ صَلَّى اللهُ علیه وسلَّمَ فی حَجَّةِ الوَدَاعِ: اسْتَنْصِتِ النَّاسَ ثُمَّ قالَ: لا تَرْجِعُوا بَعْدِی کُفَّارًا، یَضْرِبُ بَعْضُکُمْ رِقَابَ بَعْضٍ. رواە البخاری
لە جەریری کوڕی عبد اللە گێڕدراوەتەوە کەوا پێغەمبەری خواﷺ ئەفەرمووێ: لە دوای من هەڵمەگەڕێنەوە بۆ کافرێتی بەگەڕانەوەیەکی وا کەوا هەندێکتان لە ملی هەندێکی ترتان بدەن.
.
واقیعی هاوەڵان گەورەترین شەڕ لەنێوانیان ڕوویدا بەهۆی فیتنەی فیتنە کاران، ئایا یەک زانای ئەو ئوممەتە هاوەڵێکیان لەدین بردە دەرێ و کافری بکەن؟ بە تەحەدداوە ئەڵێم یەک زانا نیە کە ئەوانی کافر کردبێت، ئەی باشە لێرەش وشەی کوفری هێناوە، ئەوەی ئێرە چ جیاوازیەکی هەیە لەگەڵ وشەی کوفڕەکەی حەدیسی نوێژ؟ من دەپرسم کەسێ نوێژێک لەبەر تەمبەڵی نەکات ئایا گوناهی کوشتنی کەسێک و زینا کردن و شەڕاب خواردنەوە گوناهی لەو نوێژ نەکردنەکە گەورەترە؟
.
ئیمامی نەوەوی دەربارەی ئەو حەدیسی هەڵمەگەڕێنەوە لە دوام بۆ کافرێتی ئەفەرمووێ: "گوتراوە حەوت مانای هەیە: یەکەم: ئەمە کوفرێکە دەربارەی ئەو کەسەی کەوا کوشتن بە حەڵاڵ دەزانێ و بەبێ ئەوەی حەقێکی (ئیسلامەتی لەسەر چەسپابووبێ). دووەم: مەبەست پێی کوفری نیعمەت و حەقی ئیسلامێتی(واتە: ناسوپاسگواز بوون بەرامبەر نیعمەتەکان و دین).
درێژەی هەیە...
پیغمبر و بیخود
رۆژێکیان لە دوای نوێژی بەیانی مامە پیرەیەک بێخودی شاعیری بینی و پێی وت: بێخود ئەو شەو خەوێکم پێوە بینیوی،ئەویش وتی :چی بوو بۆم بگێڕەوە؟ ،مامە پیرەش دەستی بەگێرانەوەی خەوەکەی کردو وتی: لەخەونمدا پێغەمبەر گیان بە تەنیشتم دا رۆیشت و سەلامێکی لێکردم و منیش وەڵاممدایەوە و وتم : علیکم السلام یا رسول الله یاخوا بەخێربێی فەرموو بۆ کوێ دەچی؟
پێغەمبەر گیانیش فەرمووی: دەمەوێ بچمە لای بێخودی شاعیر، پاشان هەندیک رۆیشت و لە نیوەی رێگادا گەڕایەوە و دەستێکی بڵند کرد و رۆیشت.
مامە پیرە لە قسەکانی بەردەوام بوو کاتیک سەری هەڵبڕی سەیری کرد بێخود چاوی پڕ فرمێسک بوو بوو ، تا دڵۆپە فرمێسکەکانی ریشی تەڕکردبوو، بێخود وتی : والله ئەمشەو لە خزمەت خۆشەویستدا بووم بە قەصیدەیەک تا درەنگانێکی شەو ، ئیتر لە ناوەندی قەصیدەکە ئاگام لە خۆم نەماو خەوم لێکەوت ، هەر بۆیە پێغەمبەر گیان لە نیوەی ڕێگادا گەڕایەوە .
کە ئەمە ئەو شیعرە بوو کە بێخود ئەو شەوە نوسیبوی:
یەکێک لە جوانترین شاکارەکانی بێخود کە بۆ پێغەمبەر ی (ص) نوسیوە ....
لەو ڕۆژەوە ڕۆیشتــووە تۆراوە دڵــی من
هەرچەند ئەگەڕێم بێ سەروشوێن ماوە دڵی من
ئــاخـــۆ بـە چ شاخێکەوە گیرساوە دڵی من
یــاخــــۆ بــە چ داخێکەوە سـوتـاوە دڵــی من
ئەو هەم دەمی غەمخوارو نەدیمی منە یـــاڕەب
ئـەو مەحڕەمـی ئەسرارو قەدیمی منە یـــاڕەب
ئەو گەوهەری شـەهـوارو یەتیمی منە یـــاڕەب
کـەوتـۆتــە چ بەحرێکەوە خنکاوە دڵـــی مــن
مەجنـونـی دوو گـێسـوی چ لەیلایەکە ئـــــاخــۆ
یا وامـیـقــی جـــادووی چ عەزرایەکە ئـــــاخــۆ
دێـــوانــەی ئاهوی چ سەحرایەکە ئـــــاخــۆ
کـــام چـیهــرە پەری دیــوە کـە ترساوە دڵی من
ئەتلێتەوە گـاهـێ بەخـەیـــاڵی خەت و خاڵی
ئەخولێتەوە گـاهــێ بە چرای شەوقی جەماڵی
نـازانـی ئـەگەر چـۆنـە بەدەست دەردەوە حـاڵی
وەک پوش و پەڵاشێکە بەدەم بـاوە دڵـــی مــن
لەو چــۆڵــی بیابانە ئــەبــێ یاوەری کـــێ بێ
یا بـەو کە ژو کێوانەوە سـەودا سـەری کـێ بێ
یالەت لەت و ئەفگاری موژەی خەنجەری کێ بێ
چۆن ماوە لەسەد لاوە کە کوژراوە دڵی من
بۆچی نەڕژێ سەیلی سروشکم وەکو باران
بۆچی وەکو یەعقوب نەبمە شوهرەی شاران
لەو یۆسفە پرسیومە لە بێگانە و یاران
هەر گیز نییە سۆراخی لەهیچ لاوە دڵی من
بۆخۆی بگریم یا نەفەسی پەردە دڕاوی
یا بۆ جگەری کون کون و سەد پارە کراوی
چی کردوە یاڕەب کە خەو و خواردن و ئاوی
دایم غەم و بێداری و خوێناوە دڵی من
چ بکەم ، چ بڵێم ، بۆ دڵەکەم کارییە دەردم
شاهیدی منن مویی سپی و چیهرەیی زەردم
خۆڕایی نییە ناڵەی گەرم و دەمی سەردم
هەڵبەت بە بەڵایەکەوە ئاڵاوە دڵی من
ئەوسینە لە غەش خاڵییە،ئەو بێ ڕک و کینە
ئەو خادیمی شەرعی نەبەوی و میلەت و دینە
مەعلوم چووە بۆ خزمەتی سالاری مەدینە
وام زانی کە فەوتاوە ، نەفەوتاوە دڵی من
قوربانی کەسێ بم کە قوربانی ( نەبی) بێ
وەک بەندە سەگی دەرگەهی شاهی عەربی بێ
شاهی عەربی یەعنی قوڕەیشی نەسەبی بی
جەرگی بە دوو ئەبرۆی ئەوە جنراوە دڵی من
زاتێکی وەهای گرتووە ڕۆحم بە فیدای ئەو
شاهان شەو و ڕۆژ دێنەقەدەم بۆسی گەدای ئەو
بێخود مەبە ئیتر بە ئومێد و بەتەمای ئەو
نایەتەوە لات گەر سەری داناوە دڵی من
اللهم صل علی سیدنا محمد وعلی ال سیدنا محمد
مهدی سه رده ریایی
دلوپیکی تر لە دەریای کەرامەته-کانی حەزرەتی شێخ محمد عثمان سراج الدین ثانی"قدس سره"
#نووسه ر: محمد پارسا بە زمانی فارسی
#وەرگێڕ: عبدالرئوف اشنویی محمودزاده
.
من(1)بەڕەچەڵەک خەڵکی گوندی "وله ژیر"م (٢) ، وله ژیر گوندی بەناوبانگی حاجی مامۆستا عارف (٣)؛ یەکێکە لەمه نسوبه دڵسۆزەکانی حەزرەتی شێخ عوسمان سیراجەدین سانی (٤) "اعلی الله مقامه الشریف" من هێشتا هاوسەرگیریم نەکردبوو، بەڵام لەبەر ئەوەی ئەهڵی مزگەوت و جەماعەت بووم، پەیوەندییەکی باشم لەگەڵ حاجی مامۆستا عارف هەبوو کە ئیمامی گوند و ئیمامی مزگەوتەکەمان بوو.
بەڕێکەوت حەزم لە یەکێک لە کچەکانی گوندەکەمان بوو کە بە حەیا و بێگەردی به ناوبانگ بوو و ویستم هاوسەرگیری لەگەڵ بکەم. بەڵام ده ترسام هەنگاو بنێمە پێشەوە و وەڵامی ڕەتکراوە ببیستم. یان لەبەر هەندێک هۆکار ئەم هاوسەرگیرییە گونجاو نەبی هەر لەبەر ئەم هۆکارەش بێ ئەدەبیم کردوو لەلای حاجی مامۆستا عارف باسم کرد.
داوام لێکرد کە ئەمجارەیان کە شەرەفیاب بون بۆ خزمەتی حەزرەتی پیر لە دۆرووه ی شەریفە (٥) لەگەڵ حەزرەتی شێخ ڕاوێژکاری بکات. حاجی ماموستاش ئەو زەحمەتە ی قبوڵ کرد و کاتی که چووبو زیاره تی حه زره تی شیخ، ئه م کاره منیشی عه رز کربوو .
من له و په ری ئینساف-و ئیمانه وه و زور به راشکاوی، ئەم فه رمایشته ی له زمانی حاجی ماموستا عارفم بیست و ئەویش له زمانی موبارکی حەزرەتی شێخ گویێ لێ بووبوو، دووبارەی دەکەمەوە:
.
حەزرەتی شێخ فه رموبووی کە ئەم پەیوەندییە لەلایەن خوداوە موقەددەر بووە قسمه تیشه، بەڵام خودا کوڕێکیان پێدەبەخشێت کە بەداخەوە ناڕەحەتییەکی زۆر بۆ دایک و باوکی دروست دەکات.
ئەو کاتە من تەنیا گرنگیم بە بەشی یەکەمی فەرمانی حەزرەتی شێخ دابوو، وە لە خۆشیان دەرفەتێکم بۆ نەڕەخسا بیر لە بەشی دووەمی فەرمانەکەی بکەمەوە، وە بۆ من گرنگ نەبوو، تەنها گرنگ ئه وه بوو ئەم پەیوەندییە سه ر بگرێت، بەڵام رێک فەرمانی حەزرەتی شێخ به دی هات.
.
هەرچییەک بڵێم وەک تفی سه-راوژوور هه-ر-بو خوم دێتەوە، بۆیە خۆم لە چوونە ناو وردەکاری زیاتر دەپارێزم. بەڵام با تەنها ئەوە بڵێم کە هەندێک جار مرۆڤ هەموو شتێک دەکات کە لە توانایدا بێت بۆ پەروەردەکردنی منداڵەکانی بەڵام ئەنجامەکەی ئەوە نییە کە تۆ دەتەوێت. هەرگیز که رامه تی حەزرەتی شێخم لەبیر ناچی، ئەوەی فه رموو بوی رێک به دی هات. ئێستا ئەم کوڕەم به ته واوی بیزاری کردوم له ژیان، نازانم چی بکەم!
ئێستا بەداخەوە لە ناو ئێمەدا کەسی نییە وەک حەزرەتی شێخ ببێتە چرای ریگای ونیا و دینمان.
نووسه ر : محمدپارسا
ئامادەکردن و ڕێکخستنی به زمانی فارسی: بەڕێوەبردنی کەناڵی خۆشەویستانی حه زره تی شا عوسمان(قدس سره)
(１) بۆ ئەوەی کەرامەتی مرۆڤ بپارێزرێت ناوی نەنووسراوە.
(２) گوندێکی نزیک شاری مەریوان لە کوردستانی ئێران
(３) مامۆستا مەلا عارف عەلامی؛ لە مەنسووبانی دڵسۆزی حەزرەتی شێخ بوو؛ لەدایکبووی ١٢٨٨ی کۆچی کوردستانی ئێران / کۆچی دوایی ١٣٦٩ی کۆچی له(وله ژیر) کوردستانی ئێران
(４) شێخ محەممەد عوسمان سیراج الدینی سانی نەقشبەندی؛یەکێک لە رەهبه ره کانی تەریقه تی نەقشبەندی؛ لەدایکبووی ١٢٧٤ی زایینی سەفیائاباد جەوانرود ئێران / کۆچی دوایی ١٣٧٥ی زایینی ئەستەنبوڵ تورکیا
(５) گوندێکی بچووکی شاری سەروەئابادی سەر بە پارێزگای کوردستانی ئێران، کە لە دوو گوندی بچووک پێکهاتووە، سەرەوەی بە ناوی خومالی"ده گا" و خوارەوەی بە ناوی "خانەقا" کە بە کۆی گشتی بە "دوورود" ناسراوە .
سوودەکانی صەڵاوات دان لەسەر پێغەمبەری خوا ﷺ
- فەرمانی خوای بەرزت بەجێ هێناوە.
- دووعات بۆ بەرزتر بوونەوەی پلەو پایەی پێغەمبەرﷺ کردووە کە(الوسیلة)یە لـەبەهەشت دا .
- بە هەر صەڵاوات ناردنێک ، دە صەڵاواتت لەسەر لێ دەدرێت لەلایەن پەروەردگار .
- دەپلە بەرز دەبیتەوە .
- دەچاکەت بۆ دەنوسرێت
- دەگوناهو خراپەت لێ دەسڕێتەوە.
- دووعات قبوڵ دەبێت ئەگەر بەصەڵاوات ناردن دەست پێ کردبێت
- شەفاعەت بۆ دەکرێت لەڕۆژی قیامەت
- پێغەمبەرﷺ نزیک دەبیەوە لەرۆژی دوای
- خۆشەویستی و گوێرایەڵیت بۆ پێغەمبەرﷺ بەردەوام زیاد دەکات
- پێغەمبەر ﷺسەلامت بۆ دەنێرێتەوە
- بەرکەت دەکەوێتە تەمەن و ئیش و کارت
- بەردەوام خوا باست دەکات لەنێو فریشتەکان
- ڕێگەی چونە بەهەشت بۆ خۆش دەبێت
- نورێکی تایبەتت دەبێت لەسەر پردی صراط
- دڵ تو سوودەکانی صەڵاوات ندی و خەم و پەژارەت نامێنێ
کارزان کاروینی
ئامۆژگاریەکانی حەزرەتی وەیسی قەرەنی
وەیسی قەرەنی فەرمووی
ئەگەر دەتانەوێ گەورە بن خۆتان بە گەورە مەگرن چونکە من زۆر لە گەورەیی گەڕام تەماشام کرد گەورەیی لە خۆبەکەم گرتن دایە ...
ئەگەر دەتانەوێ ببنە بەرپرس و پیاوەتیتان دەست بکەوێت ئامۆژگاری خەڵک بکەن و ڕێگای ڕاستیان نیشان بدەن ...
ئەگەر پیاوەتیتان پێ خۆشە و پێتان خۆشە خەڵک بە پیاوتان بزانێ ڕاست و ڕاست گۆبن چونکە پیاوەتی لە ڕاستگۆیدایە ...
ئەگەر دەتانەوێ شانازی بەسەر خەڵکدا بکەن بە فەقیری ڕازی بن چونکە من لە فەخرو شانازی گەڕام تەماشام کرد فەخر لە فەقیری دایە بەو شەرتەی ناشوکر نەبی ..
ئەگەر شەرەفتان دەوێت قەناعەت بکەن چونکە شەرافەت لە قەناعەت دایە ...
ئەگەر دەتانەوێ دەوڵەمەند بن تەوەکولتان بە خودا هەبێت چونکە دەوڵەمەندی لە تەوەکل دایە ...
(وەیسی قەرەنی) بەزۆری خۆی وەکو شێت نیشان دەدا ، جارێک کۆمەڵێک منداڵ دوای دەکەون و بەرد بارانی دەکەن ئەویش لەسەر خۆ دەفەرموێ : ڕۆڵەکانم بەردی گەورەم پێدا مەدەن با بریندار نەبم و خوێنم لەبەردا بڕوات و دەست نوێژەکەم بشکێت چونکە ئاوم دەست ناکەوێت دەست نوێژ تازە بکەمەوە ... ( ماشاء الله لە گەورەیی خوای گەورەو دروست کراوەکانی) ...
بەڕێزان ئەم پۆستانەم هەرکەسێ بەهەرشێوەیەک بیبات لە کۆپی و لە شێر و هەرچی بێت گەردنی ئازاد بێت و خێریشی بۆ دەنوسرێت ٳن شاء الله کە یەکێکی کە بەهۆیەوە سودمەند بێت ئامانجم زیاتر و پتەوتر و شارەزاتری دینەکەمانە
سەرچاوە:
موحیبانی شیخانی بیاره
لە تۆڕی کۆمەڵایەتی فەیسبووک karazan kaweny