بیاره شریفه
آرشیو نوشته های منبیاره شریفه
آرشیو نوشته های من
#ئازادی_لە_ئیسلامدا
کاتێک حەزرەتی خالیدی کوڕی وەلید له گرتنی عێراق سەرکەوتوو بوو
کەنیسەیەکی لە لەیلانی عێراق دۆزیەوە کە ناویان لێنابوو (عین التمر)
لەو کەنیسەیەدا چل کەس سەرقاڵی فێربوون و وانه بێژی ئینجیل بوون ، بۆ بەرەوپێشبردنی ئایینی مەسیح لە ڕۆژهەڵاتی عێراق .
حەزرەتی خالید وازی لێهێنان و کەنیسەی لەناو نەبرد و کەسی نەکوشت .
لە نێو ئەو چل کەسەدا #سیرین و #یەسار و #نەسیریشیان تێدا بوو
دواتر ئەم سێ کەسە ئیسلام دەناسن و باوەڕی پێ دێنن دەبن به مسوڵمان
یەکەمینیان موسڵمان بوو و خودا کوڕێکی پێدا بە ناوی "محمد بن سیرین" کە بوو بە یەکێک لە ئیمامەکانی تابیعین لە فەرموودە و فیقه و تەفسیری خەون.
دوهەمینیان موسڵمان بوو و نەوەیەکی هەبوو بە ناوی ئیسحاقی کوڕی ئیسحاقی کوڕی یەسار؛ نووسەری کتێبی سیرە و مەغازی ناسراو بە (سیرە ابن ئیسحاق)
سێهەمینیان باوەڕی هێناو کوڕێکی بوو بە ناوی موسای کوڕی نەسیر کە باکووری ئەفریقا و ئەندەلوس (ئیسپانیا)ی داگیرکرد
ئەمەیە سەرئەنجامی ئیسلامێک کە هاوەڵانی پێغەمبەری ﷺئازیز تێگەیشتبوون
نووسەر مامۆستا ابوبکر پزشکیان(به فارسی)
مترجم: عبدالرئوف اشنویی محمودزاده
اللهم صل علی سیدنا محمد و علی آل سیدنا محمد و علی اهل بیته بعدد نعمک یا الله
کـانـاڵی تلگرامی ئاوایی بێلو
چیروکی ژنیک و دراوسێیه کەی
ڕۆژێک کوڕێک له خێزانێکی تاڕادەیەک دەوڵەمەند، بینی کە دایکی داوای خوێی لە دراوسێ هەژارەکەی کرد
بە سەرسوڕمانەوە بە دایکی وت دوێنێ کیسەیەکی گەورەی خوێم بۆ کڕیویت، بۆچی داوای خوێی لە دراوسێ دەکەیت؟
دایکەکە وتی: کوڕەکەم دراوسێ هەژارەکەمان هەمیشە داوای شتمان لێدەکات.
ویستم شتێکی سادەیان لێ داوا بکەم کە بۆیان قورس نەبێ ئامادەکاری بکەن.
لە کاتێکدا هیچ پێویستم پێی نییە، بەڵام ویستم وا نیشان بدەم کە منیش پێویستیم بەوانە.
تا هەر کاتێک داوای شتێکیان لێکردین ئاسان بێت بۆیان داوای بکەن، وە شەرم نەکەن
اللهم صل علی سیدنا محمد و علی آل سیدنا محمد و علی اهل بیته بعدد نعمک یا الله
نووسه ر ماموستا عبدالحمید مومنی
مترجم: عبدالرئوف اشنویی محمودزاده
چیروکی ذوننونی میسری و جووتیاری گاور
بسم الله الرحمن الرحیم و صل الله علی النبی محمد و آله بعدد معلوم لک یا الله
خواناسی گەورە ذوننونی میسری خوا لێی ڕازی بێت فەرموویەتی:
لە گەشتێکدا بووم, له سارایێکی بەرپان که پڕ بوو لە بەفر، گاوریکم بینی بەپەڕۆیێکی گەورە خۆی پوشاندبوو، به سارای پڕبەفردا دەڕویشت و تۆوی هەرزنی دەچاند
ذوننون فەرمووی: ئەی جووتیار چ تۆوێک دەچێنی؟
وتی : باڵندەکان هەرزن پەیا ناکەن بو خواردن، من تۆو دەچێنم بۆ ئەوەی ئەم تۆوە گەشە بکات و خوای گەورە ڕەحمم پێ بکات.
وتم : ئەو تۆوەی کە کەسێکی نامۆ دەیچێنێت - گاورێک - خودا قبوڵی ناکات
گاور وتی: ئەگەر قبوڵی نەکرد خۆ دەبینێت من چی دەکەم
وتم: بەڵێ دەبینێت
گاور وتی: بینینی ئەو بۆ من تەواوه
ئینجا ذوننون وتی: کە چوومە حەج، ئەو گاورەم لە تەواف بینی، وه کوو عاشقیکی دڵ سووتاو __
وتی: (یا أبالفیض) ئەی ذوننون ! بینیت که بینی(خودا بینی) قبوڵیشی کرد؟ ئەو تۆوەش گەشەی کرد بۆ باڵندەکان و خودا نیعمەتی ئاشنایی پێ بەخشیم و ئاگاداری کردمەوە, و بانگهێشتی کردم بۆ ماڵەکەی خۆی؟
ذوننون بەو قسانه هاته جۆش و خرۆش و وتی: خوایە تۆ بەهەشتێک بە مشتێک هەرزن به هەرزان دەفرۆشیت بە گاورێکی چل ساڵان؟
مژدەدەرێک ده نگی هات: که خودای گەوره هەرکەسێک بانگ کات، بە هۆکار نیە، هەرکەسێش دەرکات، بە هۆکار دەری ناکات
ئەی ذوننون ئاسوودە به که (هه‌رچی بیه‌وێت ئه‌نجامی ده‌دات) به بەراوردی عەقڵی تو کارەکە ڕاست نابێت
لە فارسییەوە وەرمگێڕاوە
ئیمام ئیبن السلاح الشهرزووری
ئیمام ئیبن السلاح الشهرزووری ڕەحمەتی خوای لێ بێت دەفەرموێت:
قراءة القرآن کرامةٌ أکرم اللّهُ بها البشرَ ، والملائکةُ لم یُعطوا ذٰلک وهی حریصةٌ على استِماعه من الإنْس
قورئان خوێندن کەرامەتێکە کە خوای گەورە ڕێزی لە مرۆڤ گرتووە و ئەم نیعمەتەی پێ بەخشیوە، وە شتی وا نەدراوە بە فریشتەکان، بۆیە بە تامەزرۆییەوە گوێیان لە خوێندنەوەی #قورئان لە مرۆڤەوە هەیە. وە لە هەر شوێنێک کەسێک ببینن قورئان دەخوێنێت، دەوری دەدەن و گوێ لە خوێندنەکەی دەگرن.
================================================================
کاتێک نوح سڵاوی خودای لێ بێت سواری کەشتییەکە بوو، پیرە پیاوێکی نەناسراوی لەوێ بینی.
بۆیە پرسی: بۆ هاتووی بۆ ئێرە؟
وتی: من هاتووم تا دڵی هاوەڵەکانت لەگەڵم بێت و جەستەیان لەگەڵ تۆ بێت!
نوح سڵاوی خودای لێ بێت فەرمووی: لە کەشتییەکە دەربکەوە، ئەی دوژمنی خودا.
شەیتان وتی: پێنج ڕێگام هەیە بۆ لەناوبردنی مرۆڤ، سێ ڕێگات پێ دەڵێم و دووەکەی ترت پێ ناڵێم.
وەحییەک لە خوداوە بۆ نوح هات، سەلامی خوای لەسەر بێت، کە ئەو سێ ڕێگایه بەکاری تۆ نایەن، داوای لێبکە با دووەکەی ترت پێ بڵێت.
شەیتان وتی: بۆ لەناوبردنی خەلکی دوو شێوازم هەیە کە زۆر گونجاون و ئەوانیش بریتین لە:
"ئیرەیی و تەماح"
من خۆم لەبەر ئیرەیی نەفرەتم لێکرا و دوورخرامەوە، ئادەمم لە بەهەشت دەرهێنا بەهۆی تەماحەوە.
سەرچاوە:
تەلبیس ئیبلیس ئیبن جوزی
ڕاوچییەک باڵندەیەکی گرت
ڕاوچییەک باڵندەیەکی گرت، باڵندەکەش وتی: ئەی پیاوی بەرێز! لە ژیانتدا گۆشتی مانگا و گۆشتی مەڕت زۆر خواردووە و هەرگیز تێر نەبوویت. لە خواردنی جەستە بچووکی منیش تێر نابیت !
ئەگەر ئازادم بکەی سێ ئامۆژگاری بەنرخت دەکەم بۆ بەدەستهێنانی خۆشگوزەرانی و بەختەوەری. کاتی لە دەستی تۆدام، ئامۆژگاری یەکەم دەکەم
ئەگەر ئازادت کردم کاتێک لەسەربانی ماڵەکەت دادەنیشم ئامۆژگاری دووەمت دەکەم کاتێک لەسەر دارەکە دادەنیشم ئامۆژگاری سێیەم دەکەم.
کابرا ڕازی بوو. باڵندەکە وتی:
یەکەم ئامۆژگاری ئەوەیە: باوەڕ بە قسە مەحاڵەکانی کەس مەکە !
پیاوەکە یەکسەر ئازادی کرد. باڵندەکە لەسەر بانەکە دانیشت .
وتی ئامۆژگاری دووەم ئەوەیە: هەرگیز پەشیمان مەبە لە ڕابردوو پەشیمان مەبە لەوەی لەدەستت دا.
باڵندە بازێکی دا بەسەر قۆچی دارەکەدا و وتی: کاکە گیان لە گەدەمدا مروارییەکی بەنرخ هەیە کە کێشی دە درامە. بەڵام بەداخەوە کات بۆ تۆ و منداڵەکانت نەبوو ئەگەرنا دەوڵەمەند دەبوویت و دڵخۆش دەبوویت پێی .
پیاوی ڕاوچی زۆر دڵتەنگ بوو بە بیستنی ئەمە و ئاه و نالەکانی بەرز بووه.
باڵندەکە پێکەنی و پێی گوت: ئایا من ئامۆژگاریم نەکردیت پەشیمان نەبییەوە لە ڕابردوو؟ یان لە ئامۆژگارییەکانم تێنەگەیشتووی یان کەڕی؟
ئامۆژگاری دووەم ئەوە بوو کە باوەڕ بە قسە مەحاڵەکان نەکەیت. ئەی بێ هەڵوێست هەموو کێشم لە سێ درام زیاتر نییە، چۆن دەکرێت مروارییەکی دە درام لە گەدەمدا بێت؟
کابرا هۆشی هاتەوە بەرە خۆی و وتی ئەی باڵندەی ژیر ئامۆژگاریت زۆر بەنرخە. ئامۆژگاری سێیەمم پێ بڵێ .
باڵندەکە وتی: ئەو دوو ئامۆژگارییەت جێبەجێ کرد تا منیش ئامۆژگاری سێیەمیش بکەم!؟
ئامۆژگاریکردن بە گەمژەیەکی خەوتوو، وەک ئەوە وایە، تۆو، لە زەوی شورەکات دابچێنیت .
وەرمگێراوە لە مەسنەوی مەعنەویەوە