شێخ جەمیل تاڵەبانی کێ بو؟

ئەو شێخەی زیاتر لە چل ساڵ لە تەکیەکەی خۆی لەکەرکوک نەهاتە دەرەوە دوجار نەبێ، کەچی ناو و ناوبانگی گەیشتبووە هەموو بەشەکانی کوردستان و فەقێ و موریدی زۆری هەبوون، تەنانەت لە پاکستانەوە موریدی هەبوون و دەچونە زیارەتی.

شێخ جەمیلی تاڵەبانی کوڕی گەورەی شێخ محەمەد عەلی تاڵەبانییە، لەساڵی 1890 لەدایکبووە، لە ساڵی 1961 کۆچی دوایی کردووە، زانستە ئاینی یەکانی لەسەر دەستی مەلا و زانایانی بەناوبانگی کەرکوک خوێندووە. ڕێبازی قادری لەسەر دەستی باوک و باپیری وەرگرتووە.

 .

لەپاش داگیرکردنی کەرکوک لەلایەن لەشکری ئینگلیز لەکۆتایی ساڵی 1918، بەرەنگاری ئینگلیزەکان دەکات و بڕیار دەدات نەچێتە دەرەوەی تەکیە. لەماوەی زیاتر (40) ساڵ نەچووەتە دەرەوەی تەکیە، دووجار نەبێت، یەکەمیان لە ساڵی 1938، کە سەفەری حیجاز دەکات بۆ ئەدای فەریزەی حەج، جاری دووەم لە ساڵی 1951، کە نەخۆش دەکەوێت و دەچێتە بەغدا بۆ سەردانی پزیشک و دکتۆرەکانی ئەو شارە.

.

تەکیەی تاڵەبانی لە ناو خەڵک بە تەکیەی شێخ جەمیل ناودەبرێت، چونکە زیاتر لە چل ساڵ شێخی ئیرشادی ئەو تەکیە بووە.

 تەکیەی تاڵەبانی لەسەردەمی شێخ جەمیل دەبێتە مەڵبەندی کۆڕی زانستی و جێگای دانیشتنی زانایانی کەرکوک، خوێندگایەکی گەورەش دەکاتەوە، کە باشترین مامۆستا دەرسی تیا دەڵێنەوە و لە هەموو بەشەکانی کوردستان فەقێ  ڕوو دەکەنە تەکیە. تەنانەت لە وڵاتی پاکستانەوە  زاناو مورید هاتوون بۆ  کەر کرکوک لای شێخ جەمیل و سەردانی تەکیەیان کردووە.

 .

چەند هەڵوێستی کوردانە و مەردانەی شێخ جەمیل:

1_ کاتێ مەحمودخانی دزڵی و چەکدارەکانی بەبرینداری دەستگیرکران، ئەو هەڵوێستی چی بو؟

بنەماڵەی تاڵەبانی  جگە لەوەی خاوەن تەکیە بوونە، لەگەڵ ئەوەشدا هەمیشە پشتگیری بزووتنەوەی نیشتمانی کوردیی و نیشتمانپەروەرانی کوردستانیان کردووە.

 .

مەحمودخانی دزڵیی بەهێزێکەوە لە هەورمانانەوە ڕووئەکاتە کەرکوک، بە نیازی ئەوەی بێت کەرکوک بگرێت، بێگومان شێخ مەحمود ئاگادار بوو. کە دێ ئەگەنە قەرەهەنجیر، لەوێ شەڕێکی قورس دەکەن لەگەڵ لەشکری ئینگلیزا. ئینگلیز بەهەموو توانایەوە و کوردەکانیش بە چەکی سوکی وەک "سێ تیر و بڕنەو" لەوێ شەڕێکی زۆر سەخت دەکەن. دوای قوربانی دان و شەهیدبونی ژمارەیەکی زۆر لە هێزەکانی لەکۆتاییدا مەحمودخان بە ئەسیری دەگیرێت، دەیانهێنن بۆ زیندانی کەرکوک.

 .

لەو ماوەیەی لە زیندان دەبن، بە فەرمانی (شێخ جەمیلی تاڵەبانی) ڕۆژانە لە تەکیەوە لەسەر عەرەبانەی دار خواردن  بۆ مەحمودخانی دزڵی و هاوڕێکانی دەنێرن. پاش دەرچوونیان لە زیندانیش ماوەیەک لە کەرکوک دەمێننەوە، چونکە ڕێگایان پێنادرێت بگەڕێنەوە بۆ هەورامان، لەو ماوەشدا هەر میوانی شێخ جەمیل دەبن، هەتا ئەو ڕۆژەی ڕێگایان پێدرا بگەڕێنەوە هەورامان.

 .

2- پاراستنی کوردانی ڕۆژهەڵات  کەبەهۆی هێرشی لەشکری ڕەزاشاوە ڕویانکردە باشور

هەڵوێستی جوامێرانە و نیشتمان پەروەری شێخ جەمیل زۆرن.  بۆ نموونە، لەسەرەتای سییەکانی سەدەی ڕابردوو "سەدەی بیستەم" ڕەزا شای ئێران، کاتێ  ڕەزاشا بڕیار ئەدا کەوا چەکدار لە هەموو ئێراندا نەمێنێت. لەهەموو وڵاتی ئێران دەستی پێکردبوو، پاشان ئەکەوێـتە سەر هەورامان، هێرش دەکاتە سەر ناوچەی هەورامانی دیوی رۆژهەڵاتی کوردستان بە مەبەستی چەک کردنی عەشیرەت و هۆزەکانی کورد.

 .

 هەورامان ناوچەیەکی گەلێک سەختە، بەتایبەتی هەورامانی دیوی ڕۆژهەڵاتی کوردستان، لەوێ لەگەڵ بەگزادەکانی هەورامان ئەکەوێتە شەڕێکی قورسەوە، خەڵکی چاونەترسی هەورامان بەرەنگاری لەشکری ڕەزا شاه دەبنەوە و بەرخودان دەکەن، هەتا پێیان ئەکرێت شەڕ ئەکەن،  بەڵام بەهۆی نابەرامبەری شەڕەکە لەڕووی چەک و ئازووقەی سەربازییەوە سەرکردەی هۆزە کوردەکان ناچار دەبن پاشەکشە بکەن و ڕووبکەنە باشوری کوردستان.

 .

هەتا نزیک ئەبنەوە لە سنوری عێراق و ئێران. (جافر سوڵتان، سەرۆکی بەگزادەی لهۆن بوو). لەوێ کەنزیکی سنور ئەبێتەوە بەهۆی موریدەکانی شێخ جەمیل تاڵەبانی لە کەرکوک.

 .

بەهۆی چەند موریدێکی شێخ جەمیل لەو ناوچەیە، ئاگادار دەکرێتەوە کە سەرکردەکانی عەشیرەتی "لهـۆن"ـی هەورامان، کە گەورەترین خێڵی هەورمانە،  هەواڵ دەنێرێت بۆ شێخ جەمیل دەڵێ دەیانەوێ ڕووبکەنە کەرکوک، بەڵام ترسی ئەوەمان هەیە ئەگەر خۆمان تەسلیمی حکومەتی عێراق بکەین، ئەویش تەسلیمی حکومەتی ڕەزاشامان بکاتەوە ئیتر لەتوپەتمان بکات.  ئەتوانێت جێگایەکی بۆ بدۆزێتەوە.

 .

 .

شێخ جەمیل خەبەری بۆ ناردبوو بەنهێنی بێن، ترسیان نەبێ، هەر بگەنە کەرکوک تەواو.

 "جەعفەر سوڵتان" و "ئەفراسیاو بەگ" و چەند کوڕێکیان بە نهێنی دەگەنە شاری کەرکوک، شێخ جەمیل پێشوازیان لێ دەکات و لە چەند ژوورێکی ناو  تەکیە بۆ ماوەیەک دەمێننەوە، دواتر دەیاننێرێ بۆلای شێخ جەمالی برای لە گوندی "زەرداو" لە قەزای کفری.

پاش ماوەیەک ئەو میوانانە خۆیان ئاشکرا دەکەن و حکومەتی ئێراق وەک پەنابەر قبوڵیان دەکات. هەر لەسەر داوای خۆیان حکومەت لە کەرکوک لە نزیکی تەکیەی تاڵەبانی خانوویان بۆ دەگرێت، لە گەڕەکی ئیمام قاسم حکومەت خانووی بۆ گرتبوون، بە ڕۆژ بەشی زۆری کاتەکانیان لە تەکیە بەسەردەبرد. لەپاش ڕووخانی حکومەتی ڕەزاشاه لە ساڵی 1941، هەموویان بۆ هەورامان دەگەڕێنەوە.

 .

3- پێشوازی لە تاوانباری لەسێدارەدانی چوار ئەفسەرە کوردەکە نەکرد

شێخ جەمیل قەت هاوکاری ڕژێمەکانی دەوڵەتی ئێراقی نەکردووە، لە سەرەتای داگیرکردنی کەرکوک لە ساڵی 1918دا دوژمنێکی سەرسەختی ئینگلیز بووە، لە ساڵی 1953 (ساڵح جەبر- سەرۆکوەزیرانی ئێراق) وەک حزبێکی سیاسی ئێراقی دێتە کەرکوک، داوا دەکات سەردانی شێخ جەمیل بکات لە تەکیەی تاڵەبانی، بەڵام داواکەی ڕەت دەکرێتەوە.

 .

دکتۆر نوری تاڵەبانی لە نوسینێکی دەربارەی یادەوەریەکانی لەگەڵ مامۆستا تۆفیق وەهبی نوسیویەتی، هەرچەند لەو دەمە زۆر گەنج بووە، بەڵام شانازیم بەو هەڵوێستەی باوکمەوە دەکرد، چونکە بیستووم کە بە فەرمانی ساڵح جەبر چوار ئەفسەری کورد لە ساڵی 1947 لەسێدارەدرابوون.

.

ڕووداوی لەسێدارەدانی چوار ئەفسەرەکەی کورد  (مستەفا خۆشناو، محەمەد قودسی، عێزەت عەبدولعەزیز و خێروڵا عەبدولکەریم)، لەبەرواری ۱۹٤۷/٦/۱۹ دا، بە یەکێک لە کارە شۆڤێنی و بێ بەڵێنییەکانی تری ڕژێمی پاشایەتی عێراق بەرامبەر گەلی کورد دادەنرێت.

دوای ئەم بەشداری بوونەیان لە شۆڕشی بارزان و تێکشکاندنی شۆڕش لە ژێر بۆردوومانی هێزی ئاسمانی بەریتانیا و سووپای عێراق لە کۆتای ساڵی ۱۹٤٥ دا، چوونەتە ڕۆژهەڵاتی کوردستانەوە و وەکو ئەفسەری سووپای کوردستان لە کۆماری کوردستانیشدا خزمەتی خۆیان دەکەن، بەڵام دوای ڕووخاندنی کۆمار و چوونی بارزانی و هاوەڵەکانی بۆ یەکێتی سۆڤێت، ئەم چوار ئەفسەرە لە مانگی نیسانی ۱۹٤۷ خۆیان ڕادەستی حکومەتی عێراق دەکەنەوە، هەرچەندە حکومەتی عێراق پێشتر بانگەشەی لێبووردنی بۆ دەرکردبوون، بەڵام دوای دەستگیرکردن و دادگایکردنیان، ڕۆژی ۱۹٤۷/٦/۱۹ لە بەغدا پاش نووسینی وەسێتنامە هاوبەشەکەیان لە سێدارەدران

 .

" زمانەکانی تورکی و عەرەبی و فارسی دەزانی"

شێخ جەمیل جگە لە زمانی کوردی دایک ، زمانەکانی تورکی و عەرەبی و فارسی دەزانی،  لە مانگی ئابی 1961 پاش نەخۆشیێکی چەند ساڵە، کۆچی دوایی دەکاتـ  بەشی هەر زۆری دانیشتوانی شاری کەرکوک بەشداری دەکەن لە مەراسیمی بەخاک سپاردنی.

 .

سەرچاوە:

1- چاوپێکەوتنی د.نوری تاڵەبانی ، لە کەناڵی ڕووداو، بەرنامەی پەنجەمۆر، بەشی یەکەم

عبدالرئوف اشنویی محمودزاده

2- شێخانی ئیرشادی تاڵەبانی و چەند ناودارێکی دیکەی ئەم بنەماڵەیە: دکتۆر نوری تاڵەبانی

3- شاری کەرکووک  بەشێک لە مێژووی (مزگەوت، تەکیە، خانەقا، زانا و پیاوەئایینی)یە ناودارەکانی: گۆران فەتحی

مەلاسدیقی موجتەهید

جەنابی مەلاسدێقی موجتەهێد ئەفەرمێ.

Karzan Kawreny ‏

موحیبانی شێخانی بیارە

باخچەی بۆن خۆشان

ئەڵێ من لەدووڕوەئەم خوێند

حەزرەتی شێخ عوسمان لەخزمەت مامۆستامەلاسەییدموحەممەد مودەڕیسی دووڕوە ئەیخوێند شێخ ماوەیەبووبەمامۆستای خۆی فەرمووبو دەعوەتێکم بۆبکە،جەنابی مامۆستایش وابەناوبانگی کردبوو ئەمەش لەسەخاوەت کەمیی هەیە، ئەویش وەعدی پێ دابووکەدەعوەتی بکات، وەپێی وتبوو ئاخرتۆ بەدواوەیەخەڵک لەگەڵ خۆت ئەهێنی

ئەویش بڕیاری دابویە کە هیچ کەس لەگەڵ خۆی نەبات ، ئەنجا ڕۆژێ لە پاش نویژی نیوەڕۆ کە مامۆستا لە ویرد و ئەوراد بوەوە هەستا بڕواتەوە حەزرەتی شیخ عوسمانیش لە ڕیزی جەماعەت دا بو لە نوێژ سەلامی دابوەوە ، دەستی دا لە سەر شانی بە ئیشارەت کە واتە هەستە بڕۆین بۆ سەر دەعوەتەکە ، لە پاش ئەوە کە ئەوان ڕۆیشتن حەزرەتی شێخ عەلا ئەددین پرسیاری فەرموو بو عوسمان لە کوێیە عەرزیان کردبوو لەگەڵ مامۆستا دا ڕۆیشتن ئەنجا شێخ فەرمووی بەوە کەلەخانەقاداحازربوون بابچین بۆماڵی مامۆستا.جەماعەت کەلەحدودی حەفتا تا هەشتاکەسێ ئەبووین لەخزمەت شێخ دا چووین بۆماڵی مامۆستا دامان لەقاپی ، لەگەڵ تەقەی دەرگا دێ . مامۆستائەفەرمێ شێخ عوسمان نەموت خه لک دیت به دواوه  ئەویش وتى بۆلای تۆ هاتوون ، ئەویش ئەفەرمێ والله من بەکەسم نەووتوە ، بەڵکومیوانی خۆت بێ بزانن کێە؟ ئەویش پرسیارئەکات کێیە ؟ حەزرەتی شاعەلائەددین ئەفەرمێ خۆمانین قاپیمان بۆبکەرەوە ، کاتێ کاتێ ئەزانێ شێخە ئەڵێ قوربان دەرگای چی بکەمەوە بەخوامشتێ برنجە لێمان ناوە ئەوەندە شێخ ئەفەرمێ هیممەتت بێ دەرگامان بۆبکەوە ، پاش ئیسرار دەرگا ئەکاتەوە ئەبینێ ئەم هەموە لەخزمەت دان ئەڵێ قوربان جامن چی بکەم ؟ ئەبێ بڕۆم ئەفەرمێ تۆسەییدی ، ئەبێ بەغیرەت بی ، تۆ بابچین دانیشین ئەنجا ئەڵێ قوربان ئەمر بفەرمو با ئەوەی بۆخانەقالێنراوە بێت بۆئەم خەلکە ، ئەفەرمێ ئێمە ئەم نیوەڕۆ میوانی تۆین ، بەکورتی خەڵکەکە لەژورەکەداهەندێ لەخزمەت شێخ و بەعزێکی لەهەیوان و حەوشە دائەنیشن ، شێخ ئەفەرمێ ئەوەی کەکردوتانە بەچێشت بەخێزانت بڵێ چارەکەیە شتێ بدا بەسەریا هەروا بەکەوگیر تێی بکابۆمان و بۆئەم خەڵکە ، ئەویش بەخێزانی ئەڵێ مەلاسدێق بەحزوری شێخ ئەمەی گێڕاوە ، وتی والله ئەو نەختە چێشتە کەلە مەنجەڵێکی بچوکدا دروست کرابوو ، ئەو هەموو خەڵکە تێری لێ خوارد ، لە پاش ماوەی چێشتەکە مابوەوە حافزێ دراوسێیان بوو بۆ ئەوانیشیان نارد.

هــەر کـەس ئـەولـیـای بـەڕاسی نـاســی

ئـەکـەوێتـە ســەر شـەقـامـی ڕاســــی

ئــەوەش کـە ئــەهـلی خــودا نــەنـاســە

لــە هـەر دوو دنـیــا هــەر کـەڕ و کاسـە

ژیاننامەی: مامۆستا سەیید نجم الدینی عەنەب - هەڵەبجە

 ژیاننامەی:

 مامۆستا سەیید نجم الدینی عەنەب - هەڵەبجە

٭ ناوی تەواوی نجم الدینی کوڕی شێخ تەها ی کوڕی شێخ ڕەسوڵــە ، لــە ساڵی (۱۹۳۰/٤/۲۸) لــە دایک بووە ، باوکی گەشبین بووە بەم کوڕەی و بۆیە ناوی ناوە (نجم الدین) ئەستێرەی ئاین ..

٭ لـە تەمەنی پێنج ساڵیەوە دەستی بەخوێندن کردووە و لە خزمەت باوکیدا قورئانی پیرۆزی خەتم کردووەو دواتر گەڕاوە بە ناوچەکانی کوردستاندا و ڕووی لـــە حوجرەکانی (بیارە ،، زەڵم ،، عەنەب ،، خوڕماڵ ،، هەڵەبجە ،، سلێمانی ،، قەڵادزێ ،، خانەقین ،، کەرکوک) و لــە کوردستانی ڕۆژهەڵاتیش ڕووی لـە حوجرەکانی (میرزا ڕۆستەم ،، هویە ،، پایگەلان ،، کانی سانان ،، چۆڕ ،، کانی میران،  ئەوێهەنگ نێزڵ ،، مەریوان ،، سـنە )..

لـە خزمەت زۆرێک لە زاناگەورەکان و ناودارانی ئەو سەردەمدا خوێندوویەتی لـەوانە : مامۆستا مەلا عبدالرحمانی چۆڕ ،، مامۆستا مەلا حەیدەری ئەوێهەنگ ،،

مامۆستا مەلا سەید عینایەتی هویە ،، مامۆستا مەلا سەید عارفی خوڕماڵ ،، مەلا ئەسعەدی پایگەلان ،، مەلا ئەحمەدی نەفتچی لە کەرکوک ،، مەلا سەید عبدولحەکیمی خانەقین ــ کە خاڵۆی خۆیی بووە ،، مامۆستا ملا محمد ئەمینی کانی سانان ،، مامۆستا سەید علی نێ ،، مامۆستا مەلا صاڵحی گەورەی هەڵەبجــە ... زۆرێــکی تریش ....

٭ دواجار دوایی تەواو بوونی خوێندنی لـە خزمەت مامۆستا مەلا موحەمەدی مەلا بەهادا ئیجازەی عیلمی وەرگرتووە ،، لەبەر ئاشنایەتی لەگەڵ حەزرەتی (شێخ عوسمان سیراجەدین)لە ساڵی (۱۹٥٥) ڕێی بۆ خۆشدەکرێ و دەکرێــتە پێش نوێژ و مودەڕیسی لە (تەپی سەفای حاجی حەیدەر) لـە دەشتی شارەزوور ، پاشان لە ساڵی (۱۹٦۰) چۆتە (تەپی سەفای حانی موستەفا) و تا ساڵی (۱۹۷۸) لـەوێ ماوەتەوە و لـەم ماویەدە زیاتر لە (۱۰۰) قوتابی پێگەیاندووە ..

٭ لە ساڵی (۱۹۷۸) چۆتە مزگەوتی (ئوسامه) لـە هەڵەبجــە خەریکی خزمەت بووە ، تا لـە ساڵی (۱۹۸٦) خانە نشین کراوە ، پاشان لە ساڵی (۱۹۸۸) لە کارەساتی کیمیابرانی هەڵەبجە ئاوارەی ڕۆژ هەڵاتی کوردستان دەبێت لە مزگەوتی (ئاغا حەبیوڵا سەنەندەجی) شەقامی (نمەکی) شاری سنە بووە و ماوەی (پێنج) ساڵ ماوەتەوەو نزیکی (۲٥) قوتابی پێگەیاندووە ، لـە ساڵی (۱۹۹۱) گەڕاوەتـەوە هەڵەبــجە و جارێکی تر لە مزگەوتی (اسامه) دامەزراوەتەوەو لەم مەرحەلەیشدا (٥٤) قوتابی پێگەیاندووەو ئیجازە پێداون ..

٭ مامۆستا شارەزاییەکەی باشی هەبووە لە زانستەکانداو مەتنی کتێبەکانی وەک (الفریدە ،، عبداللە یزدی ،، گلنبوی آداب ،، تهذیب المنطق ،، العقائد النسفیە ،، تلخیص، جمع الجوامع ،، بەشێک لە شافیە و کافیە تا باسی إضافیە ،، بەشێکی زۆر لە کتێبی سیوطی ) ..

ئـەم زاتە خاوەنی چوار کوڕ و سێ کچـە و وە لــــــە دوایی خزمەتێکی زۆر و پێگەیاندنی جەندەها فەقێ و مەلای باش لــە ساڵی (۱۹۹۷) گیانی پاکی سپارد و لە گوڕستانی (گوڵان) لـە (هەڵەبجە) لـە پاڵ مامۆستا مەلا موحەممەدی مەلا بەها و مامۆستا شێخ عزیز پاڕەزانیــدا نێژراوە ..

ژێدەر:

 بەرهەمەکانی باوەڕ ..... کــە کتێبی خۆیەتی

لاپەڕە   ٨۹ ــ ۹٤

باخچەی بون خوشان

باخچەی بۆن خۆشان

 مەلاحامیدی گەورەکاتبی حەزرەتی شێخی سیڕاجەددینی ئەووەل(اعلی الله مقامهما) ئەفەرمێ:

حەزرەتی شێخی سیڕاجەددین گفتوگۆ و حیکایەتی خۆی لەگەڵ جننیاندا زۆر بۆ باس کردووین، ئەگەر بیان نووسمەوە پەڕاوێکی زۆری ئەوێ بەڵام بەتەنیا بەم بەسەرهاتە کۆتایی ئەهێنین:

فەرمووی لەسەرەتای شێخیەتیمەوە ئافرەتێ بەدەردی شێتی گرفتار و دووچار بووبوو هێنایان بۆلام، کاتێ سەرنجم لەحاڵی دا تەماشام کردجننییەک شێتی بوە و حەزی لێ کردوە، ئەوجننیەم ڕاکێشاو حەپسم کرد، کە حاکم و فەرمانڕەوای تایەفە و تیرەیەکی جننی یەکان بوو کە لە زەڵم نیشتەجێ بووبوون، هەرچەن کۆششم کرد کەدەس بەرداری ئەو ئافرەتە بێ قبووڵی نەکرد، ناچاربووم لەناوم برد و فەوتاندم.

 ژنەکە چوەوە باری سروشتی خۆی، چەن ڕۆژێکی پێ چوو تەماشام کرد ژنەکە وەک لەدەس کارەسات و بەڵایێ ڕابکات هات و خۆی خستە پشتمەوە، ووتم چیە بۆ وا ئەکەیت؟ وتی بڕوانە تا بیبینی چیە؟ کاتێ تەماشام کرد دیم لەشکری جننی دەور و پشتی ئێمەیان گرتوە و ئەو ئافرەتە بەحەوت ئەندام لە لەرزیندا بوو و ووتی ئەمجارە تۆیش و منیش بەهیلاکا ئەبەن.

 ووتم مەترسە ئارام بگرە با نزیک تر ببنەوە، خۆت بگرە مەترسە لەوە زیاتر لێمان نزیک ببنەوە ئەوکاتە ئەزانی چی بەسەر ڕۆژگاریان دادێت و چییان لێ ئەکرێ، پێشڕەوو ئەمیری ئەو جننییانە ناوی ئەڵماس بوو کە لەکاتی کوشتنی حاکمەکەیاندا لەماڵ نەبووبوو، کاتێ هاتبوەوە پرسی بووی بۆچی وا تەعزیە بار و ماتەمینن ووتبوویان دادگەری ئێمەیان لەبارەی ئەو ژنەوە کوشتوە و ئەم ماتەمینەی ئێمە بەو هۆیەوەیە.

 ئەویش وتبووی بۆچی ئێوە بێ غیرەتیتان کردوە کە پادشاتانیان کوشتوون؟ تۆبزێکی هەڵ گرتبوو وتبووی دوام کەون با لەناویان ببەین، کاتێ نزیک کەوتبوونەوە بەدەستی باتن ئەڵماس ناوم گرت خۆی و تۆپزەکەی نابوت کرد و ژیانیم لەلیستی دنیادا کوژاندەوە، ئەمجا ڕووی دڵم کردە جننییان هاوار و قیژیشم خستە ناو ئەوان وەک ئاگر لە پووش بەرببێ زۆربەیان سووتان و بۆ شاری بێ دەنگان ڕەوانە کران، کەمێکیان کە مابوون بەسەر لێ شێواوی چووبوونەوە مەڵبەندەکەی خۆیان دەستێکی باتنم بەڕووی ژنەکە هێنابۆئەوە ئیتر جننی نەبینێ، وەفەرمووی : ئەوەی لەهەمو زەحمەت و گرانتر بێ نەخۆشی فێیە یانی سەرع، ئەگەر شەیاتینی کۆببێتەوە زۆر گرانە چارەسەری مەگەر قوتبی عەسر ئەوکەسە چارەسەر بکات.

سەرچاوە: #ریاض_المشتاقین

#حەزرەتی_شێخی_سیڕاجەددینی_ئەووەل

#مەلاحامیدی_گەورە

#کاک_مادح_علوی

نیازی دل

نیازی دڵ 

.

هۆنراوەی حەزرەتی شێخ عوسمان سراج الدین نەقشبەندی ...

لە هەر لایێ دڵێ زارە ئەوە دڵبەر شکاری کرد

بڵێن بەو تاقە نازارە لەبەرچی بوو کە قاری کرد

.

ئەگەر باوەڕ دەکەی عومرم هەموو سەرفی فیراقی کرد

هەموو کارم بە ضایع چوو فەلەک بۆ ئێمە یاری کرد

.

بڵێم چی هیجری ئێوەم داغی سەردڵ بوو لە ناکاوا

ئەجەل هات و دەستی گرتم کە چی بوو دەردی کاری کرد؟

.

سەر و ماڵ و دڵ و گیانم فیدای ئەو شاهی دەورانە

بڵێ بەو شاهە بێ باکە کەوا ڕۆحم نیساری کرد

.

بە سۆزی داغی هیجرانی پەیاپەی پەی کرا جەرگم

بە کوورەی ئاوری سینە ،دڵم مەیلی هەواری کرد

.

بە جورعەی بادەیی جامی لەبا لەب نۆشی یارانم

وەها شێواو و حەیرانم کە هۆشم ڕۆیی باری کرد

.

عیلاجم ناکرێ گیانە لە دەست ئەم دەرد و ئازارە

بە تیری تازە پەیکانی لە سینەم خوێنی جاری کرد

.

بە جەور و جادو و سیحر و عەییاری وا دڵی بردم

حەواڵەی تیری تەنویمی موژە و چاوی خوماری کرد

.

قەرارم داوە من عوسمان نەکەم تەرکی وەفا و مەیلی

کە ئەو طیفلی دڵی برد فێری شەهدی لێو و زاری کرد

 له په یجی کاک شیخ ئامانجی نقشبندی له فی.....س..ب.....و.....ک